港女買坊間豐胸療程血本無歸狂被推銷花費65萬要求退款店家強硬回應

By jack on 11 Apr 2023

Digital Content Writer

相信不少女士都想追求傲人好身材，坊間亦有許多豐胸療程宣稱天然有效，不過大家切記冷靜分析，若花錢購買後發覺效用不大，隨時血本無歸。近日《東張西望》接到一名苦主黃小姐投訴，表示花了65萬購買天然豐胸療程，但做了1年多後發現效用不大，而對方卻不斷推銷黃小姐預購更多療程，收費更愈來愈貴，最後黃小姐醒覺要求退款，院方則列出合約條款表明不會退款，令黃小姐非常苦惱。

Photo from TVB USA Official YouTube

初次試做即花5萬買下療程

昨晚（10日）《東張西望》提到美容療程，一位40歲的黃小姐（化名）指去年4月看到有豐胸專門店介紹天然豐胸療程，主張不硬銷、不打針、不吃藥、沒有副作用，以自然方法令胸部變得更豐滿。黃小姐直言：「想身型靚啲！個個女人都想㗎啦！一世人想做就去做」她二話不就就前去其中一間分店試做豐胸療程，第一次她接受精油按摩，事後黃小姐目測胸部確實變大，加上職員叫她購買療程，聲稱做一次、兩次效果不大，黃小姐即花了5萬元買下豐胸療程。

Photo from TVB USA Official YouTube

瘋狂被推銷不經不覺買了50多萬

黃小姐表示這一年期間不斷被推銷新療程，每次去都有職員遊說她再買更多豐胸療程，她直言：「去20次 sell足20次」而且療程每次單價幾千元不等，職員亦會叫黃小姐先付訂金，而每次黃小姐問訂金會如何處理，職員就會推銷新療程，叫黃小姐補一點錢多做幾次。同時職員又會說黃小姐的胸部不夠挺，指她要不停做療程才有效，因此1個療程還未完，黃小姐便買了第二個，累計之下，黃小姐不知不覺花了50多萬買豐胸療程，相當誇張！

Photo from TVB USA Official YouTube

最後一次花了15萬買經絡通淋巴療程

直到有一次，豐胸公司負責人來幫黃小姐看看目前胸部的進展，再向黃小姐推銷一個通經絡及淋巴的療程，索價15萬，又表示會多送優惠給她，當時3人圍在身邊不停遊說她，黃小姐本著最後一次的心態，決定付款做療程。黃小姐亦向節目組展示了過去做了療程帳單，當中可目療程種類繁多，有經絡穴位反射穴位激活脂肪胸部再生激活乳葉等，黃小姐表示療程不外乎用手推、吸杯或機器按摩胸部，每樣收費3000-3500，時間約1-1.5小時，職員更會向她推銷豐胸啫喱，3瓶7000元，每次做療程隨時花上過萬元。黃小姐累計一年間，前後做了15次，總共花了65萬。

Photo from TVB USA Official YouTube

涉事公司合約表明不會退款

黃小姐事後發覺療程效用不大，今年2月致電美容院查詢自己剩餘多少療程未做，想看看能否退款，其負責人指黃小姐還有73次療程未做，但表明不能退款，只能幫黃小姐做延期。《東張西望》向信涉事公司查詢，對方則透過律師回覆，表示豐胸療程效果因人而異，又指其公司在網站發員工指引都表明不能作出硬銷行為，所有顧客均是在自願情況下購買療程，顧客隨時可停止接受療程，而合約條款亦列明不會退款及不可將療程轉讓給第三者，而大多療程有效期只有一年。

Photo from TVB USA Official YouTube

醫生指出按摩令胸部變大只屬短暫情況

《東張西望》亦向西醫查詢有關豐胸的問題，西醫指出乳線組織及脂肪組織組成，基本於25歲左右就定型，表示按摩促進血液循環，胸部可能會脹大，但只屬短暫情況。除了月經、懷孕、服食荷爾蒙藥物或是以植入式方法使乳線及脂肪組織增加，其他方法都很難改變胸部大小。

Photo from TVB USA Official YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《東張西望》主持梁菁琳貼身衣著屢惹批評？！長文解釋服裝打扮，愛著緊身衫獲封「東張女神」！

23 Mar 2023

TVB《東張西望》新一代「東張女神」梁菁琳（Katerina）憑苗條身材獲得網民關注。不過有網民指佢試過著緊身衫採訪小朋友，認為佢嘅衣著似乎唔太恰當引起熱議。Katerina就曾親自解釋穿著「清涼」嘅原因！

Photo from 梁菁琳IG

新一代「東張女神」梁菁琳

梁菁琳（Katerina）喺上年參加《香港小姐》競選，可惜於最後12強止步，但依然獲大台賞識簽約成為旗下藝人。現時佢有份主持大台人氣資訊節目《東張西望》，憑亮麗外型成功引起網民們嘅關注！

Photo from 《We Miss Hong Kong 香港小姐競選準決賽》

Photo from 梁菁琳IG

加入做《東張+》負責採訪科技新聞

TVB早前推出《東張西望》升級版《東張+》，並喺《東張+》記者會中就公佈主持人班底，而主持人都被分配負責唔同專題嘅報導，包括：娛樂、體育、健康醫美等；當時梁菁琳獲安排負責採訪科技資訊。

Photo from 娛樂新聞台

過往曾被讚口才了得

而梁菁琳喺節目中嘅採訪表現都唔錯，喺採訪「後巷盆菜」事件時憑口才成功問到食店負責人口窒窒，獲網民大讚頭腦清晰！除咗採訪技巧備受熱議之外，佢喺節目中嘅衣著打扮都成為咗熱議嘅話題之一？！

Photo from 《東張西望》

最近佢喺電話訪問呢個環節中因為著上V領緊身上衣而展現咗豐滿上圍，亦引起網民熱議指雖然件衫算「密實」，但係Katerina嘅好身材依然表露無遺！

Photo from 《東張+》

被網民批評衣著太「清涼」，似乎唔太恰當？！

之前亦有網民認為佢嘅衣著過分「清涼」，當中有一張截圖就見到佢身穿低胸裝「摀低身」同小朋友做訪問，被網民批評易教壞小朋友？！翻睇返佢過往喺節目嘅打扮，佢都願意毫不吝惜咁大晒完美身材，當中以緊身咖啡色毛衣及露肩貼身衫最受網民歡迎！

Photo from 《東張西望》

梁菁琳解釋著貼身衫背後原因！

梁菁琳出席活動時曾被傳媒詢問衣著問題，佢就大方回應「著貼身啲係為咗方便做嘢！」希望觀眾能夠更關注佢嘅報導。不過佢亦感謝網民讚賞佢嘅身材，直言「相信靚嘅事物大家都鍾意睇！」原來佢選擇著得貼身都係為咗工作！

Photo from 梁菁琳IG

Photo from 《東張西望》

後來佢亦喺IG發表長文，表示參加《全能司儀選拔大賽2022》時被指「賣弄性感」，佢重申採訪時正值夏天，為方便去後巷視察或喺室外追住路人訪問，以及避免衣服會被器材或者周圍環境勾到，佢都以貼身衣著出動。

Photo from 梁菁琳 IG

梁菁琳又指知道自己身形比一般亞洲女性曲線天明顯，但唔認為要故意隱藏自己嘅身形。佢表示希望觀眾會留意佢嘅採訪技巧同埋工作態度。

Photo from 梁菁琳 IG

入行前於新加坡擔任獸醫

其實平時梁菁琳喺IG上載嘅照片，相信佢自己私底下都比較鍾意貼身及清涼嘅衣服呢～除咗擁有完美身材之外，梁菁琳亦非常有才華！喺參選之前佢喺新加坡專科醫院擔任獸醫，曾於澳洲著名嘅悉尼大學以雙重一級榮譽畢業，後來因為疫情關係選擇辭職返港陪家人。入行後，佢透露自己依然關注動物福利，希望能夠一邊從事演藝工作，一邊幫助小動物，真係好有愛心～

Photo from 梁菁琳IG

相關文章：《東張西望》前任主持大起底！隱形富婆、有人離巢後擲1億買豪宅

Text: HolidaySmart Editorial

《東張西望》前主持黃穎君離職民政事務局，新工月薪達6.7萬

3 Aug , 2022

《東張西望》前主持人黃穎君離巢後轉做政府工，任職民政事務局媒體主任。當時佢嘅人工更一度成為熱話，估唔到入職約半年後佢就離職，但新工嘅收入依然非常可觀！

Photo from 黃穎君IG

《東張西望》前主持黃穎君離巢

《東張西望》向來關注唔少民生、社會議題，之前曾採訪大埔富亨邨「曱甴屋」，屋內衛生情況令人衝擊，黃穎君擔任外景主持最初抵達單位時並無穿上任何保護衣，又一臉鎮定咁繼續採訪，獲網民讚賞。

Photo from 黃穎君IG

黃穎君於2012年參選《香港小姐競選》落選後入行，曾經喺《降魔的》飾演「龍貓嫂」一角，直到2019年佢先加入《東張西望》做外景主持，做咗2年後嘗試應徵一年制嘅民政事務局媒體主任，獲聘後就離巢，正式結束9年嘅東主關係。

Photo from 《東張西望》

Photo from 黃穎君IG

任職半年後轉工？

雖然黃穎君做傳媒經驗唔多，但據知佢做民政事務局做媒體主任，月薪為$67,595，黃穎君又表示當初只係抱住試下嘅心態去應徵，點知真係成功獲聘，仲話雖然簽嘅係1年合約，但就希望未來10年都可以繼續留喺嗰度發展！

Photo from 黃穎君IG

但喺2021年12月入職民政事務局，過咗約半年，就傳出黃穎君已離任嘅消息！黃穎君表示政府架構改組後新設文化體育及旅遊局，由於增設新部門對工作量較大，需聘請更多員工，加上佢本人亦對文化藝術都有興趣，於是決定調往文化體育及旅遊局工作。

Photo from 黃穎君IG

月薪仍維持$6.7萬

雖然工作部門不同，但黃穎君嘅職位不變，依然係媒體主任，月薪亦維持$67,595。佢指調職前後工作內容非常相近，都同樣係合約制。根據民政事務局招聘廣告顯示，媒體主任職責主要係：檢視市民意見；監督電子剪報及社交媒體資訊檢閱服務；就傳媒關係提供專業意見，並制訂公共關係策略，以施行政策局多個項目；與傳媒機構聯繫，包括安排傳媒採訪及處理傳媒查詢；擬備演詞及資料，以支援管理層出席公眾和推廣活動；以及因應需要執行其他職務。