YouTuber疑指控ViuTV借車無職業道德！男團成員被斥態度差：炒車唔道歉

ViuTV劇集《極度俏郎君》於禮拜一（17日）首播後，反應熱烈，但近日，有YouTuber疑控訴劇組向自己借車無職業道德、罔顧安全，更指責演員「炒車」後不負責任又態度差。

Photo from Instagram @yuballballjacky

《極度俏郎君》由姜皓文、宣萱、張慧儀及ERROR四子等人主演，講述黑道金牌打手出獄後重回正軌，劇集現時播出第四集，吸引唔少網民嘅討論。但日前，YouTuber「Yu Ball 魚波」就喺IG上以限時動態上發文，疑似控訴《極度俏郎君》劇組及演員。

Photo from Instagram @viutv

「Yu Ball 魚波」提出3點控訴，第一，劇組借車未有跟行規遮車牌號碼，而劇集現時仍未遮車牌之餘，「Yu Ball 魚波」向劇組詢問時更「完全被無視」；第二，「Yu Ball 魚波」控訴劇集演員「炒爛我部車」，而該名演員態度差之餘，未有道歉兼「仲用依家硬照打飛機」；第三，「Yu Ball 魚波」稱，當時與劇組協商以特技車手負責車輛操作，但劇組未有遵從，「罔顧安全」、「演員又唔聽話，出咗事當冇事發生」。此外，「Yu Ball 魚波」更表示：「點啊，係咪大公司玩晒？」、「承諾咗唔算數，有冇啲職業道德？」。

Photo from Instagram @yuballballjacky

即睇更多人氣文章：
日本61歲美魔女甜嫁29歲男 32年婆孫戀引熱話 相遇經歷似偶像劇
韓國網紅來港搭的士投訴「找假錢」！香港網民罕有一面倒為司機平反

而《極度俏郎君》中有一幕係由男團P1X3L成員吳啟洋(Phoebus)揸電單車，載埋王家晴上高速公路。而Phoebus亦有於社交平台上貼出劇中造型嘅圖片。

Photo from 《極度俏郎君》劇集截圖

Photo from 《極度俏郎君》劇集截圖

Photo from Instagram @phoebus_ng

另外，「Yu Ball 魚波」昨日（20日）再出限時動態，指：「第一次見識到PR打手威力。一單還一單，有時間帶風向不如阻你幾分鐘遮番車牌號碼？」

Photo from Instagram @yuballballjacky

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

曾華倩情人節晒梁朝偉憶初戀！網民反感指唔尊重劉嘉玲，曾華倩回應

15 Feb 2023

影帝梁朝偉一向係眾多女生心目中嘅男神，佢同曾華倩曾有過一段情，情人節當日曾華倩更晒出合照，指見到「初戀情人」梁朝偉依家有咁嘅成就好戥對方開心，但就被批唔尊重梁朝偉老婆劉嘉玲，曾華倩之後嘅回應再掀熱議。

Photo from 梁朝偉IG

梁朝偉曾與曾華倩拍拖6年

梁朝偉嘅魅力除咗迷倒好多觀眾外，更連同過佢合作嘅女演員都大讚！梁朝偉同劉嘉玲結婚15年依然恩愛如初，兩人更不時一齊去旅行、挑戰各種運動，合照放閃！梁朝偉同劉嘉玲相戀前曾經與曾華倩拍拖6年。

Photo from 劉嘉玲微博

梁朝偉同曾華倩因為主持《430穿梭機》而撻著，但拍拖6年期間曾經3度分手，直到1988年兩人終於徹底分開，之後梁朝偉同劉嘉玲1989年公開戀愛，曾華倩正式成為前女友。

Photo from 曾華倩微博

Photo from TVB

曾華倩情人節晒「初戀情人」梁朝偉被網民狠批

喺過去嘅情人節，曾華倩就喺小紅書晒出與梁朝偉嘅舊照，仲留言：「今天，特別的日子，就給大家看看我的初戀情人！」又表示見到對方有依家嘅成就，好替佢高興。呢張合照隨即掀起網民熱議。

Photo from 曾華倩小紅書

即睇更多人氣文章：
徐子珊神隱3年現身英國倫敦！息影後被網民偶遇，大讚真人又高又靚
英國新娘結婚當日被悔婚，舉辦1人婚禮同親友徹夜狂歡

Photo from TVB

Photo from 劉嘉玲微博

有人認為梁朝偉已婚多年，喺情人節呢個節日公開晒初戀情人唔係幾好，亦唔尊重人哋嘅現任妻子劉嘉玲：「太沒分寸了！」甚至有人質疑帳號並非曾華倩本人：「真勇，是本人嗎？」亦有網友表示人哋只係懷緬青春晒下初戀都唔算過分，但就被人反駁：「要是你老公的前女友在情人節分享他們的合照，你真的不會不爽？」

Photo from 劉嘉玲IG

曾華倩疑回應指網友諗太多

其實曾華倩以前都不時會喺微博晒下合照，兩人分手仍是朋友。不過眼見網民討論得越嚟越熱烈，曾華倩再發文：「一件簡單單純的事情，有些人想多了一點點了。」再有網友批評：「不是別人想多了，是不合適」

Photo from 曾華倩小紅書

Photo from 曾華倩小紅書

劉嘉玲曾表示唔介意

曾華倩同劉嘉玲本來係閨蜜，當時曾華倩同梁朝偉一齊嗰陣更令劉嘉玲留下一個壞印象！劉嘉玲上黎芷珊嘅《最佳女主角》時就提到曾華情講過「我們的梁朝偉」，而劉嘉玲就表示唔介意，因為佢覺得梁朝偉係屬於大家，喺梁朝偉首奪影帝時劉嘉玲為佢舉辦party，仲親自邀請曾華倩到場為偉仔慶祝。

Photo from 曾華倩微博

Photo from 《最佳女主角》

Photo from 《最佳女主角》