連詩雅微博發文惹內地網民不滿！公司急炒職員平息爭議

娛樂新聞

By Jennifer on 07 Jul 2023

Digital Editor

今晚食乜餸：小二，嚟一碟花生！

連詩雅（Shiga）同陳家樂結婚後回歸歌手工作，佢最近喺微博發文宣佈舉行巡迴音樂會，但用字卻引起內地網友不滿，眼見群情洶湧，Shiga嘅經理人公司發聲明道歉，並指已即時解僱相關職員。

Photo from 連詩雅IG

連詩雅與陳家樂結婚後宣佈舉行巡迴音樂會

連詩雅於2010年出道，今年佢同陳家樂正式拉埋天窗成為陳太。近年佢參演電視劇，卻減少出歌令唔少網友大感可惜，認為一直以嚟佢嘅唱歌實力都被低估，希望佢可以重返樂壇。

Photo from 連詩雅IG

婚後嘅連詩雅亦重拾歌唱事業，佢喺IG、微博等社交平台發文宣佈會舉行巡迴音樂會：「因為疫情關係，好耐冇喺香港以外嘅地方表演。終於可以同大家宣佈呢個消息，好多謝大家一直嘅私信同埋好多嘅鼓勵」，並附上poster，佢9月會到順德開音樂會。

Photo from 連詩雅IG

Photo from 連詩雅微博

微博發文寫錯字惹內地網民不滿，經理人公司極速道歉炒人

不過有網友就發現原文經過修改，指Shiga微博第一次發文寫嘅係「這幾年因為疫情關係，很久沒有出國表演」，隨即引起內地網民嘅不滿，認為順德係國內，點都唔會係講「出國」，要求Shiga方回應事件。

Photo from 連詩雅IG

Photo from 連詩雅微博

之後Shiga嘅經理人公司亦發聲明道歉，聲明指出相關嘅帖文係由一位新同事未經藝人及公司同意而代發，帖文立即被公司職員發現並即時糾正錯誤：「該同事因未遵守員工規則，已經即時被解僱。」最後公司為錯誤致歉，又接示會引以為戒。

Photo from 種星堂微博

曾因霸佔訪客車位惹爭議

Shiga微博轉發公司嘅致歉聲明：「誠意致歉??」連詩雅之前曾被指霸佔訪客車位惹爭議，2021年佢被鄰居投訴唔用停車場車位而將車停泊喺訪客車位長達3年之久，之後連詩雅出席公開活動承認自己一時貪方便隨便泊車，但就否認霸佔訪客車位3年。

Photo from 連詩雅IG

道歉後大部分內地網友都表示理解，又對公司處理嘅速度感滿意。有人就認為Shiga本身有日本國籍，即使真係話「出國」都無問題。

Photo from 連詩雅IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

連詩雅獲連登網友大讚EQ高！串錯英文被笑，一舉動反獲撐有態度

27 Jan 2023

現年34歲嘅連詩雅（Shiga）即將同陳家樂拉埋天窗，近日連登討論區有網民大讚連詩雅EQ高，談吐得體又有禮貌，獲唔少人認同，指Shiga唱歌好好聽，而且佢之前因為串錯「rest in peace」被笑英文差，但後來都證實佢英文十分流利。

Photo from TVB

連登網友讚連詩雅EQ高

連詩雅於2010年出道，至今已有13年，佢曾推出唔少歌曲，近年簽約TVB後亦有出演電視劇。2022年6月有報道指陳家樂向連詩雅求婚成功，兩人將結成夫婦。升呢做準人妻嘅Shiga雖然已好耐無喺樂壇獲得獎項，但網民近日卻頗為關注佢。

Photo from 《到此為止》

Photo from 連詩雅IG

連登討論區有網民以「點解連詩雅可以咁好EQ」為題開post，現時已有超過2,000個正評。樓主大讚Shiga出道到依家都畀人笑，但一直都無嬲過，連喺IG出post發洩都無：「就算係eq正常既人都應該post ig全黑畫面，細細隻字x人啦」

Photo from LIHKG

Photo from TVB

曾錯將「Rest In Peace」打成「Rest In Piece」，連詩雅被笑英文差

2013年12月連詩雅於IG出post悼念《狂野時速》系列主角Paul Walker時錯將「Rest In Peace」打成「Rest In Piece」，隨即被網民cap圖笑英文差，而且連詩雅被揭喺陳僖儀悼念冊上亦曾寫過「Rest In Piece」，更因同時使用「although」及「but」而被指語法錯誤。