雯雯IG會員制月賺1.2萬！再出新招力保收入：希望大家唔好介意
張致恒老婆雯雯懷上第四胎，但家中面臨經濟困難，日前雯雯就宣佈另開IG account，並開放會員制度，需要先支付每月$50嘅「會費」才可以follow佢。近日雯雯喺Story再宣佈新「會員制度」，希望可以維持到收入幫補家計。
雯雯開IG會員制
雯雯之前喺IG發長文暗示自己再度懷孕，掀起網民熱議。雯雯表示屋企有經濟困難，租金要靠網民代為支付，兩個兒子嘅書簿費都畀唔出，連學校都問過係咪會退學。雖然老公張致恒有去小食店打工，但家中即將迎來新生兒，要養一家六口，小食店嘅工資只係杯水車薪。
雯雯即將臨盆，不過佢都諗咗個辦法幫補家計，就係將新IG開設會員制，一個月畀$50「會費」先可以follow佢，雯雯表示一嚟可以幫補下家中面臨嘅經濟困難，二嚟亦阻止到啲用意不良嘅人。
雯雯IG會員制月賺1.2萬
雯雯新IG開咗超過半個月，新ac現時有243個followers，按照每人每月$50計算，雯雯一個月可以收到$12,150嘅「會費」，不過一個月過去，follow咗嘅網民未必會再支付會費，為此雯雯亦有所考慮。
雯雯宣佈收費新規，確保followers付費
雯雯喺IG Story問followers：「就嚟一個月，想知道大家係會繼續支持，定係只會支持一個月？」為咗維持返會員制嘅收入，雯雯亦諗好咗方法，佢再喺IG Story出post，宣佈：「如果大家仲想繼續follow，就每個月15號前過數，因為我暫時身體唔許可，唔能夠睇番你哋每個人嘅日子去問你哋，如果15號都見唔到大家過數，咁我就自動delete，希望大家唔好介意。」確保會員都支付咗「會費」先可以繼續睇到佢喺IG發佈嘅內容。
張致恒霸氣護妻
另外張致恒亦喺Story公開一張WhatsApp截圖：「呢位網紅。。。其實你究竟想點樣呢？不停騷擾我全家，我哋又唔識得你，之前又搵人冒認我老婆嘅ig，依家又唔知喺邊度搵到我老婆電話send嘢嚟騷擾我哋，其實你要得到嘅都得到咗喇，係人都知你係邊個啦，其賈究竟你想點啫？我哋都係養妻活兒搵餐飯啫！」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
雯雯第四胎就快出世！自爆無錢畀仔仔書簿費，堅持生B有苦衷？！
12 Jul 2023
張致恒老婆雯雯疑似大爆再度懷孕，有網民問佢係咪有第四胎，雯雯直認BB就嚟出世，佢坦言現時面臨經濟問題，上月租金靠網友幫手畀，依家自己無錢支付仔仔嘅書簿費，佢打算將新IG開放「會員制度」幫補家計。
雯雯暗示懷第四胎
雯雯之前稱要與張致恆離婚，不過因為經濟原因一家人仍一齊住。佢又喺IG狠批老公「又廢又懶」，似乎對張致恆十分不滿，不過雯雯卻發文表示會停用舊IG，文中更疑暗示自己懷上第四胎。
雯雯IG全文：
呢個Ig將會停用。
最後一個post.一個總結..
呢一年確實係我人生一個轉捩點
好多嘢都改變晒..
曾經我以為我一個人係好簡單
柤信同堅持就能夠有好嘅結果
但係原來並唔係咁樣
一次又一次嘅被背叛同傷害
確實令到我思想同性格都改變晒
好似一次又一次，加重仇恨咁
我第一次懷孕之後
確實，我係任性冇諗後果
就成就左每一次懷孕
但係一個新生命係上天比你嘅禮物同一個安排
所以我冇後悔過
反而令到我更加有責任感同信念去照顧好佢哋
問心，有邊個會想公開自己嘅私事去俾人笑同討
論
我唔係一個小丑
但係一來我冇乜朋友冇乜傾訴嘅對象
所以就換來喺平台發洩
再加上我心底裏的確係有一種唔好嘅心態
我會覺得你可以對住其他嘅女性去敷我
咁點解我唔可以公開我嘅情緒同不滿
老實講，當你對住其他女性去數我
呢種傷害會唔會比起我公開鬧你更加大
明明自己做錯在先，但係最後換來係因為我做得
唔夠好，所以你要有呢個選擇
我真係想唔透…
我大家終於坐低傾過問題
我都唔知大家嘅關系能唔能夠修補
但係呢一刻我相信大家都需要時間去行落去。
去到最近
大仔開始越來越大，識嘅嘢越來越多
每當我大喊情緒失控嘅時侯
佢會好擔心，同表現出好唔開心
我就同自己議要醒
唔明夠影響小朋友成長唔能夠帶比佢有任何陰影
再加上自己身體同你緊要，面對嘅手術的確好驚
好怕個風險，上天要帶我走
所以同自己講好向前行
好好珍惜同家人嘅時間
仲好過喺度發癲
日日喺度鬧都根本改變唔到好多嘢，亦都冇幫助。
接下來…
既然上天再一次俾咁樣嘅安排我
我就應該好好計劃，靠自己去照顧好上天比嘅每
一份禮物
無謂再去浪費氣力，同時間只係喺度發洩同埋鬧
我相信唔放棄，堅持一定有出路
瞓醒一覺，又會係一個好嘅開始
第四胎快出世，雯雯透露4個月先知懷孕
「面對嘅手術的確好驚，好怕個風險」、「既然上天再一次俾咁樣嘅安排我，我就應該好好計劃，靠自己去照顧好上天比嘅每一份禮物」等句子似暗示再次懷孕。有網友直接Inbox雯雯，佢坦言自己的確懷有第四胎。
對於網友擔心佢要養育4個小朋友長大會有好大嘅經濟壓力，雯雯解釋佢得知自己懷孕時BB已經4個月大，而且因為身體狀況嘅原因佢無法唔要呢個BB，而且BB現時已經就快出世。
雯雯爆無錢交租同仔仔書簿費
不過雯雯亦表示自己確實有經濟問題，上個月有網友幫佢交租，但今個月佢無得交之餘，仲要還錢畀人，連仔仔嘅書簿費都畀唔起：「兩個仔嘅書簿費，我仲未畀到，學校問咗好多次係咪唔讀」，雯雯指租金$13,000、兒子嘅書簿費同雜費等$4,000都未有著落。
雯雯又喺IG表示自己開嘅新IG帳號會開放會員制度，一個月付$50就可以follow佢，一嚟可以幫補下家中面臨嘅經濟困難，二嚟亦阻止到啲用意不良嘅人。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
