大圍文青咖啡小店～慢活嘆多款澳洲地道All Day Brunch！留肚食甜品啊要～

今日走到大圍嘅田心村，等小編帶大家去到一間隱世、遠離塵囂嘅咖啡店食個brunch、嘆杯咖啡、享受一下人生啦～

店舖命名為Platform，意指店舖成為一個平台讓客人品嚐地道嘅澳洲Day Brunch。開業剛剛半年～

Photo from Presslogic



Platform係掌管主菜、鹹點嘅太太Nicole同曾任酒店西廚嘅哥哥、以及身兼甜品師及麵包師丈夫尚文共同打造的舒適寧靜咖啡店，同時係一個平台供三人發揮各自嘅所長。

Photo from Presslogic

Nicole對Day Brunch要求非常高，而且經常從已搬到澳洲的妹妹身上取經，務必要將緊貼澳洲的早午餐文化，將澳洲最地道嘅Day Brunch呈現係客人嘅眼前。而且擺盤佢地亦好有要求，款款都擺得好靚～岩哂打卡嫁！佢地嘅呢種執著同熱誠亦深深感動小編我～

Photo from Presslogic

店舖賣多款嘅澳式Day Brunch，與坊間經常見到嘅英式/美式All Day breakfast好唔同。每款都各有特式，而且每一款brunch都會配上佢地自家製嘅Bagel，包你係出面搵唔到～

而最受歡迎嘅一款係燒煙鴨胸，一碟有齊鴨胸、蘆荀、薯蓉及煎蛋，再淋上酸酸甜甜嘅雜莓黑醋醬。

Photo from Presslogic

鴨胸煮到8成熟左右肉質極其鮮嫩，肥厚但毫不油膩，油脂亦非常煎得非常香。薯蓉又係超香，真係搵唔到野挑剔！

Photo from Presslogic

另一款煙三文魚亦係香港人嘅至愛，配上芝麻Bagel，煙煙韌韌嘅Bagel口感一流～而煙三文魚上面用上紅洋蔥同橄欖，好新鮮好好味～而每一份都會配上黑醋沙律，感覺好健康～

Photo from Presslogic

新出嘅分別有會感覺比較飽足嘅希臘炒蛋同較輕盈嘅乳酪水果盤。

希臘炒蛋非常香滑，上面仲有粒粒超濃郁意大利乳清芝士粒，熱力令芝士慢慢融化係炒蛋入面，質感變得更creamy食落更加香～

Photo from Presslogic

想light d、注重健康或者減緊肥嘅朋友亦有選擇！可以叫呢個乳酪水果盤，呢份會配上最新研發嘅雜莓Bagel，可以搽上自家手工制果莓cream cheese～散發陣陣果香絕對唔膩嫁！

Photo from Presslogic



Photo from Presslogic

而甜品小編就覺得必嗌呢個抹茶比利時窩夫，甜品師堅持要跟足傳統比利時窩夫做法，所以食落無其他窩夫咁鬆軟，但呢個係正宗嫁！質感較細密～而個樣已經成盤藝術品咁，非常吸睛～

Photo from Presslogic

窩夫嘅抹茶味真係非常濃，再加上最佳拍檔嘅紅豆，再淋上酸酸甜甜嘅紅莓醬，真係唔覺意就會食哂成盤嫁！

Photo from Presslogic

另外一款叫冰火蘋果批，有熱辣辣即焗嘅蘋果脆批，配上透心涼嘅雲呢拿雪糕，上面再配上棉花糖～一啖有哂三種質感真係好幸福！

Photo from Presslogic

飲品方面有出面好少見嘅Cheese Latte，上面一層厚厚嘅芝士，鹹鹹地一層再加上Latte，好香好有層次！

Photo from Presslogic

仲有少女們必嗌嘅棉花糖朱古力，上面超大舊棉花糖，配上濃濃嘅朱古力，真係好幸福～

Photo from Presslogic

Platform
地址：大圍田心村254號地舖
電話：35832818
營業時間：
星期二至五 11:00-21:30
星期六至日 10:00-21:30

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）