迪士尼「米奇Halloween大解迷」晚宴~早5日預訂可享85折~「奇妙處處通」~會員更可享75折優惠！

就黎又到萬聖節啦，除左可以去迪士尼玩鬼屋，睇巡遊，影萬聖節裝飾，仲可以去食一餐充滿萬聖節風味嘅晚餐添！

迪士尼樂園同三間主題酒店嘅餐廳將會提供超過70款萬聖節精選餐飲同美食，款款外表都好得意，例如加入阿積嘅樣，南瓜同眼珠造型等等，玩味十足！

而「大冒險家餐廳」全新推出左Halloween餐飲體驗-「米奇Halloween大解迷」晚宴，比賓客可以同時享用精心設計又極具創意嘅佳餚同埋特備節目。係你享受緊食物嘅途中，分別會有唔同嘅探險家迪士尼卡通人物出場，有米奇、米妮、唐老鴨同高飛等等帶領住魔術師、神祕學家、預言家、樂師，為大家展開一段怪誕又懸疑嘅探險旅程，一齊解開寶藏消失之謎！

Photo from PressLogic

先黎沙律頭盤同藍莓梳打飲品，係你享受緊脆脆黑色蒜蓉包伴沙律同埋藍莓梳打時，就會開始奇幻嘅探險旅程，高飛同神祕學家會出場，你可以出去同高飛影相，又可以聽下神祕學家同你
Photo from PressLogic

之後就到海鮮拼盤，有長腳蟹、鮮蝦同青口，全部都好新鮮又鮮甜又多肉，小編超推介食！跟住又會出現唐老鴨同樂師，一邊享愛食物一邊聽住悅耳嘅音樂，又可以同可愛嘅唐老鴨影相，超興奮呀！
Photo from PressLogic
Photo from PressLogic

Photo from PressLogic
再黎就係主菜，先係龍蝦汁酥皮三文魚，成個造型做到阿積嘅棺材咁，而阿積嘅頭係用蝦餃，好特別，切開酥皮三文魚一口食落去又脆口又多肉，再點上龍蝦汁令味道更升華！再到忌廉黑椒汁燒春雞，雞肉肥厚又多汁，底下仲伴埋薯蓉，加上忌廉黑椒汁，好入味呀！而今次就出現米妮同預言家，可以聽下預言家同你預測未來，仲有米妮得意造型，完全好似去左另一個地方咁。
Photo from PressLogic
Photo from PressLogic
Photo from PressLogic

最後當然唔少得有甜品啦，有三層甜品供大家享受，最頂層係好鮮甜嘅生果拼盤，中間有芝士蛋糕同超級推介濃郁朱古力慕絲蛋糕，最底層就係就有兩個都好好味嘅士多啤梨芒果撻同荔枝草莓汁牛奶布丁，酸酸甜甜好清新。而壓續出場就係米奇同魔術師，粉絲們記得帶相機同米奇大影自拍啦，而魔術師就會同客人大玩魔術，表現好多意想唔到嘅神奇魔術比你地睇，食住美食又有表演睇，好享受呀！
Photo from PressLogic
Photo from PressLogic
如果有興報嘅賓客而家可以致電＋852 3550 3388預訂特定日子嘅「米奇Halloween大解迷」晚宴，提早在日前預訂仲可以享有85折優惠，而「奇妙處處通」會員更可享75折優惠！

香港迪士尼樂園(大冒險家餐廳)
地址：香港大嶼山竹篙灣迎樂路
開放時間：10:30a.m.- 8:00p.m.
網址：https://www.hongkongdisneyland.com/zh-hk/

Text：Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載