章子怡汪峰離婚真相曝光！與第三者無關？！兩人將分35億財產

娛樂新聞

By Jennifer on 24 Oct 2023

Digital Editor

今晚食乜餸：小二，嚟一碟花生！

國際影后章子怡和中國歌手汪峰在10月23日宣布離婚，引發外界猜測。內地狗仔更爆料指出離婚原因可能與汪峰的賭博問題有關，據指章子怡同汪峰共有逾35億人民幣財產，兩人離婚後財產分配亦備受關注。

Photo from 汪峰微博

近日有爆料指章子怡同汪峰已經離婚，章子怡其後發聲明宣布結束他們8年婚姻。兩人在結婚期間育有一對子女，包括8歲的女兒和3歲兒子，並且汪峰與前妻所生的女兒也被章子怡視如己出。

Photo from 汪峰微博

章子怡在離婚聲明中提到，兩人沒有爭執或背叛，並將共同撫養子女。然而，文章未具體提及離婚的原因，加上今年兩人仍被拍到與子女進餐，因此兩人為何結束8年婚姻掀起網民關注。

Photo from 章子怡微博

Photo from 汪峰微博

其中內地狗仔就爆料稱離婚原因賭博問題，雖然他並未提及是誰參與，但因為此前汪峰的前女友葛薈婕曾爆料指他嗜賭成性，不少網友都認為賭博說的就是汪峰。不過亦有另一位狗仔則表示章子怡與汪峰離婚其實與男方無關。

Photo from 微博

Photo from 汪峰微博

Photo from 微博

無論如何，這段婚姻結束引起了社交網絡的震動，許多人關注並討論著這個消息。章子怡和汪峰在宣布離婚後表示，他們不會再回應有關離婚的任何問題，並希望得到大家的理解和支持。

Photo from 汪峰微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

章子怡着過季衫去巴黎時裝周引議，被指地位不再？網民批待遇不及Jisoo

3 Mar 2023

Dior秋冬巴黎時裝周2023日前開跑，唔少巨星紛紛飛到法國出席，現場非常墟冚！但有網民就發現過去喺國際時裝周上盡顯風采嘅「國際章」章子怡着咗件過季產品到場，而且冇專車接送，待遇比韓團BLACKPINK嘅Jisoo差好多，令一眾內地網民大為不滿，仲叫章子怡下次唔好再嚟！

Photo from 章子怡工作室微博

章子怡穿過季產品到場

內地女星章子怡約10年前憑《臥虎藏龍》打入荷里活，曾於巴黎時裝周上獲品牌高層親自迎接，兼且坐第一排睇騷，排場風光。時隔3年再現身國際時裝周，呢位喺影壇上具有影響力嘅女星即引起媒體關注。當日，章子怡身穿白色襯衫及皮革長裙，手持Dior白色手提袋，再梳上「大背頭」，低調但不失霸氣。在場亦有唔少巨星，另一位備受矚目嘅女星可以話係韓國女團BLACKPINK嘅Jisoo，身穿低胸紫色Tube dress嘅Jisoo，拎住黑色Dior細袋，披上及腰波浪卷髮，非常吸睛！但有眼利嘅內地網民就發現，章子怡着嘅係「過季」2023年早春皮裙，但Jisoo嘅禮服就係2023年早秋系列嘅「超季」產品，再對比其他內地女星如劉雨昕着嘅都係今年春夏「當季」產品，令章子怡粉絲因此感到不滿，懷疑主辦方冷待章子怡呢位前輩。

Photo from Dior Twitter

網民質疑章子怡不被尊重

更令內地網友不忿嘅係，坐專車到場嘅Jisoo，由Dior公關總監牽手進場，住嘅酒店係由Dior特意安排，由Jisoo喺IG所post嘅相所見，酒店內有唔少Dior準備嘅禮物。相較之下，章子怡據報不但冇專車接送，座位靠邊，當時未有高層上前接觸，更有指佢住嘅酒店都係自費。有網民因此感到不忿，表示章子怡曾經為Dior宣傳，同佢哋嘅總監又係朋友，如今竟然被冷落，另有網民發現另一位在場嘅內地女星劉雨昕都要排隊，雖然後來有粉絲力證有pr為佢開路，但仍未能平息網民情緒，認為品牌唔尊重章子怡，叫佢下次唔好去。

Photo from 微博

帶保溫杯入場意外收獲好評

對於外界質疑地位不再嘅評價，章子怡未有急於澄清，其後透過工作室貼出喺後台與高層及知名女星合照，留言道：「子怡和老朋友 @DIOR迪奧相聚浪漫之都」，似乎令謠言不攻自破，其中一張手持保溫杯嘅照片更係被fans瘋傳，笑指：「居然帶保溫杯入場看秀」、「暴露年齡」、「歲月靜好」，更有網民大讚章子怡真係「咩大場面都見過」，足見巨星風範！

Photo from 章子怡工作室微博

Photo from 微博

金像影后充當Jisoo護花使者

當日，作為Dior品牌大使兼「Dior親生女」嘅Jisoo一現身就成為全場焦點，金像影后Charlize仲特意上前同佢合照，更充當護花使者，打開大褸話要保護Jisoo，場面搞笑！完騷後，有大批媒體擠擁上前，Jisoo最終喺工作人員護送下離開，而Dior其後喺Twitter上單獨貼出Jisoo照片，大讚Jisoo嘅到來為現場添上光彩！