CP值爆燈！首爾超人氣平價韓牛，唔同部位任你揀！

去韓國，點可以唔食韓牛呀～大家都知道韓國嘅牛肉分曬等級，所以要係韓國食到好食嘅牛肉真係要留意清楚喇。而韓國人一般都係喜慶日子嘅時候先會食最高級嘅韓牛慶祝嘅，不過，去旅行都係開心事，所以我地都好應該去食下慶祝喇！今次講嘅尼間就係位於首爾馬場洞嘅《龍門家》喇！

Photo from Presslogic

(1)親切的普通話
尼間韓燒除左有韓牛，都仲有其他國家進口嘅牛嘅，例如，美國，但係去韓國緊係試韓牛喇。Menu上面有列曬牛唔同嘅部位，大家唔洗擔心，韓國依家好多餐廳嘅menu都有中文，尼間都唔例外，而且仲有埋相添，所以可以慢慢挑選。阿豬媽亦操流利的普通話rrrr，溝通方便rrr很多rrrr。

(2)韓牛
如果唔知邊個部位好食啲嘅話，可以叫佢個韓牛套餐(₩80,000／700g，約HK$553)，包一支汽水同一堆前菜。兩個人食就已經會好飽㗎喇，三個人就剛好。套餐嘅好處就係可以俾自己試多幾款唔同嘅部位，下次咪可以嗌啲自己鍾意㗎囉～

Photo from Presslogic

尼個套餐包咗排骨、去骨牛胸肉、膈膜肉／牛腹肉、肋條同里脊。一碟程上你面前，由於驚痴底，阿豬媽會首先俾塊錫紙你墊住燒咗啲肥牛先

Photo from Presslogic

之後先直接燒其他部位。

Photo from Presslogic

(3)鄰近韓牛市場
韓牛果然係韓牛，真係好好食㗎！雖然尼句好廢，但不得不說嘅係，真係好有牛味......事關牛都有分新唔新鮮㗎！尼間店係喺馬場洞韓牛市場隔離，識食嘅你地應該會知道馬場洞韓牛市場啲韓牛出曬名新鮮，而且比起市區嘅餐廳賣得平。絕對係韓牛首選呀～

Photo from Instagram

(4)前菜

Photo from Presslogic

由於佢啲牛十分新鮮，前菜除咗有一般嘅泡菜、菠菜等等，仲有生牛肉沙律同牛嘅內臟。小編都掙扎咗好耐，始終都試咗個生牛肉沙律，其實都幾好味，似食緊刺身。不過，小編第一次去個陣唔敢食，個阿豬媽見我地無掂過，就俾塊錫紙我地燒熟食，唔好浪費～

Photo from Presslogic

Platform
地址：首爾特別市城東區馬場洞803 (서울 성동구 마장동 803-0)
交通：Subway馬場站 2號出口 步行約10至15分鐘
電話：02-2292-2218
營業時間：11am-2am

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載