球迷衝落球場成功與碧咸合照！爆已被抄下住址，隨時被告

時事熱話

By Jennifer on 07 Feb 2024

Digital Editor

今晚食乜餸：小二，嚟一碟花生！

國際邁阿密球隊最近來港比賽，班主碧咸亦有現身。其中一位球迷Sam更衝入球場，成功同萬人迷碧咸自拍，佢接受電台訪問時坦言已被康文署抄下住址，可能會被提告。

Photo from ViuTV

國際邁阿密與港隊作賽，期間一名球迷成功地衝入球場，並與碧咸合照兼取得了他的簽名。當日美斯未有落場，大批球迷感到受騙，而這位能與碧咸合照的球迷則成唯一贏家。

Photo from Sam Lai IG

這名球迷叫Sam，他接受商台節目《在晴朗的一天出發》訪問表示康文署已記下他的住址，可能會提告他。然而，他並不懼怕這樣的後果，堅稱自己只是想做自己想做的事情。

Photo from Sam Lai IG

康文署曾發聲明強烈譴責球隊於香港公開訓練時有多名觀眾罔顧安全，違反規定闖入場內引致混亂，並警告球迷不得闖入球場滋擾，否則必會從嚴處理，包括即時驅逐離場甚至交由警方處理。

Photo from 政府新聞網

Sam則指出自己早有準備衝入球場，他在社交網站坦言成個過程「好驚」，但「人一世物一世唔想自己後悔，之後就下死心：無論如何一定要衝到落去！」最終成功與碧咸合照兼獲簽名，Sam感歎：「佢真係好靚仔好好人，此生無憾」

Photo from Sam Lai IG

許多網友紛紛發表自己的觀點，有些人認為這名球迷的行為不應該被鼓勵，而有些人則對他的勇氣和冒險精神表示敬佩。Sam則稱自己衡量過，認為被罰也甘願，並大讚碧咸為人超nice，更阻止了保安上前。

Photo from Sam Lai IG

根據法例，除非獲得經理同意，否則任何非職員的人，不得在下述情況下或期間內進入或停留在體育場的任何部分內——(a)該體育場已根據本條例第105C條批給某人專用，但如為了促進該次批給專用的目的而進入或停留，則不在此限；或(b)在署長已指示將該體育場或其任何部分關閉不許公眾使用的任何期間。違反即屬犯罪，一經定罪，可處第1級罰款（即$2,000）及監禁14天。

Photo from Sam Lai IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

美斯與第一牛郎羅蘭合照15.9萬全包？！日本安排周到球王笑容滿面

7 Feb 2024

國際邁阿密即將與日本球隊踢友誼賽，美斯抵達日本態度友善，一直面帶微笑又做代表出席公開活動，與香港情港截然不同。日本「第一牛郎」羅蘭就分享與美斯合照，據知日本亦有15.9萬與美斯見面plan，有咩活動都有詳盡列明。

Photo from X【公式】Inter Miami in TOKYO 2024

美斯同蘇亞雷斯喺香港場就未有落場踢波，但佢哋飛到日本後如常訓練，美斯狀態唔錯，加上教練「放風」，美斯有望出場參與神戶勝利船嘅友誼賽。雖然球賽未開波，但國際邁阿密訪日活動就開始咗。

Photo from Reuter

Photo from X【公式】Inter Miami in TOKYO 2024

喺香港由蘇亞雷斯出席記者會，日本就到美斯出席，佢更提及對戰香港隊未能出場係「不幸」嘅事，雖然未有發現受傷，但感到大髀內側肌肉不適，最終無法參與賽事，期待有機會再到香港。

Photo from X【公式】Inter Miami in TOKYO 2024

美斯到達日本後心情似乎唔錯，又同昔日巴塞隊友於賽場重聚，難怪出席公開活動都滿面笑容。日本「第一牛郎」羅蘭有喺IG分享美斯合照同親筆簽名波鞋。一直以嚟十分自信嘅羅蘭更為美斯更改自己嘅金句：「世界上只有3種人：我、美斯同其他人。」睇嚟羅蘭都被球王折服。

Photo from X【公式】Inter Miami in TOKYO 2024

Photo from Roland IG

之前小紅書就有網民分享16萬就可以同美斯近距離接觸，包括合照及簽名，原來日本都有呢個「特別體驗席」！據公開嘅收費表顯示，最貴300萬（約$15.9萬港元）円嘅plan就包括國際邁阿密訪日聚會、記者會入場券、可觀賞球隊賽前訓練、喺球員通道送球員入場、同美斯見面、美斯親筆簽名球衣、賽後記者會等，價錢同香港差唔多，但全部明碼實價，而且購物渠道係公開，同香港唔同。