婚後事｜陳自瑤/羅子溢/黎諾懿都演過《四葉草》！重溫當年青澀模樣

電視電影娛樂新聞

By Jennifer on 29 Feb 2024

Digital Editor

今晚食乜餸：小二，嚟一碟花生！

TVB《婚後事》熱播，陳自瑤、羅子溢、黎諾懿3大主演嘅演出都備受關注，原來佢哋有一個共通點，就係都出演過《四葉草》系列！更分別係3輯電視劇嘅主演，即睇佢哋同當年嘅對比照！

Photo from TVB

黎諾懿《當四葉草碰上劍尖時》

黎諾懿喺2003年播出嘅《當四葉草碰上劍尖時》飾演男主角「歐陽逸」，當年佢23歲，出演《戀愛自由式》後就即刻擔任青春偶像劇《當四葉草碰上劍尖時》男主角，備受力捧！

Photo from TVB

出道多年，雖然一開結就做男主角又獲捧成「奧運六星」但之後好快就被調去兒童組，令佢都有迷惘過。現時佢雖然喺《婚後事》並非男主角，但戲份亦唔少，更有主持綜藝節目，發展其他方向。

Photo from TVB

陳自瑤《赤沙印記@四葉草.2》

《四葉草》第二輯於2004年播出，故事同主演都唔同晒，Yoyo於劇中飾演三妹「葉茵」，兩位姐姐分別由楊秀惠、李思欣飾演。Yoyo當年同樣係23歲，喺劇中以雙馬尾示人，十分清純可愛。

Photo from TVB

出道多年Yoyo多數飾演配角，直到2021年佢出演綜藝節目《好聲好戲》同《識貨》都奪得冠軍。同年更憑《寶寶大過天》於《萬千星輝頒獎典禮》中奪得「最佳女配角」獎，事業終有突破，今次佢喺《婚後事》擔任女主角，演出更備受關注。

Photo from TVB

羅子溢《盛裝舞步愛作戰》

《四葉草》系列自第二輯後相隔4年再推出第三輯《盛裝舞步愛作戰》，劇集於2008播出，當年羅子溢24歲，於劇中飾演「阿謙」。《盛裝舞步愛作戰》係佢喺電視台嘅出道作。

Photo from TVB

近年羅子溢減產不少，花更多時間喺家庭度。佢同Yoyo曾於2012年播出嘅《缺宅男女》飾演夫妻，事隔12年佢哋再於《婚後事》合作。《婚後事》中羅子溢係一名講師兼作家，眼鏡look非常斯文，同16年前《盛裝舞步愛作戰》中佢陽光型男嘅造型十分不同。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB經典偶像劇《四葉草系列》播出已經18年！第一代演員變成點？

1 Apr 2021

想當年TVB都曾經製作過以青春偶像為主題嘅《四葉草系列》，雖然全個系列有4輯，但最經典嘅一定係18年前嘅第一輯《當四葉草碰上劍尖時》。當時掀起熱話，仲令劇中嘅藝人一度成為大家心目中嘅清純女神同陽光男神，直到今日依然有好多網民認為呢個系列係佢哋嘅集體回憶～而家就一齊睇下果陣時嘅演員喺相隔咁多年之後變成點啦！