小學生辯論「你係咪嬲我呀」成金句！男生以一敵四轉數快
近日網上流傳一條影片，兩間不同小學正以「香港兒童真幸福」為題展開辯論。在這場比賽中，一名反方小學女生的一句話引發了全場爆笑，也讓這段影片事隔十二年後再度爆紅！
Photo from YouTube 「iDebate.hk」
影片其實是協恩中學第五屆聯校小學辯論賽冠軍賽，正方是油麻地天主教小學(海泓道)，反方則是協恩中學附屬小學。影片中，反方女同學向正方陳述完自己觀點後，突然講出「你係咪嬲我呀？」引來全場爆笑。
Photo from YouTube 「iDebate.hk」
其實這是2011年的比賽，事隔12年突然爆紅，女同學一句「你係咪嬲我呀？」更成為金句，不少網民都認為很適合用在男女關係之間，甚至已有變成最新「潮語」的趨勢。
Photo from YouTube 「iDebate.hk」
Photo from YouTube 「iDebate.hk」
雖然女同學的金句成為焦點，但辯論賽的過程和結果也同樣引起關注。正方一名男生的回答令人驚艷。面對反方不斷詢問「你係咪嬲我呀？」他多次解釋道：「我嬲唔嬲你，同呢個辯論比賽有乜嘢關係呀？」「我哋不如做咗正經嘢先，𠵱家打辯論比賽，唔好玩啦。」
Photo from YouTube 「iDebate.hk」
Photo from YouTube 「iDebate.hk」
有網友表示：「小學生嚟㗎？！好X勁喎 我小學做緊乜嘢」，也有很多網友大讚正方第二副辯男同學表現出色：「轉數快到……特別係個男仔」、「個男仔好正 一打四『你係咪嬲我呀』轉數快到 好似Rap咁」、「佢論點到位而且轉數快,而語速快係想爭取更多時間發言,但佢咬字好清晰所以聽得好清楚」
Photo from YouTube 「iDebate.hk」
Photo from YouTube 「iDebate.hk」
根據消息，這場辯論比賽最終由正方獲勝，而在影片中表現活躍的陳加維同學更成為了最佳表現選手。翻查資料，九龍華仁書院有一位同名同姓的陳加維同學，他獲得2013～2014班際中文辯論比賽「最佳辯論員」，未知他是不是當年以一敵四的最佳表現選手？！
Photo from YouTube 「iDebate.hk」
Photo from 2013-14 九龍華仁書院演辯社 Freestyle Facebook
足本版影片：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
情人節買兩紮花事件10週年！男子近況曝光？！好友爆當年真相
15 Feb 2024
2014年情人節TVB新聞採訪咗花墟買花嘅男士，其中一位先生同時買兩紮花，更自爆「我老婆唔知㗎！」成為經典。事隔10年，TVB再喺社交網站重溫當年片段，Facebook竟有疑似男子好友留言，公開當事人近況，以及當年買兩紮花之謎嘅真相！
Photo from TVB IG
情人節唔少男士都會買花送畀另一半，而旺角花墟就係其中一個買花熱門地方。TVB新聞於2014年2月14日情人節就訪問咗買花嘅市民，其中一位著藍色衫外套嘅男士更因為採訪片段而成為熱話。
Photo from TVB
佢一見記者已顯得十分慌張，記者問佢買花畀邊個：「有咩唔講得？！」佢語出驚人：「我老婆唔知㗎因為！」之後佢更買咗兩紮花，並表示：「呢紮唔可以曝光。」記者追問佢點解要買兩紮花，佢驚慌指：「你仲講你仲講！」
Photo from TVB IG
Photo from TVB IG
之後佢解釋其中一紮係幫人買，另外嗰紮花先係送畀老婆，因為太太為佢生咗兩個小朋友，諗住獎勵太太。事件至今已有10年，但幾乎每年情人節呢件事都會「回帶」，成為情人節經典。
Photo from TVB IG
Photo from TVB IG
Photo from TVB IG
而TVB官方社交網站亦有再次重溫有關片段，並留言指：「【無綫新聞】2014年情人節10周年經典回顧！『花先生』同時買兩紮花之謎情人節快樂呀大家，今年收咗花未呀？原來『花先生』同時買兩紮花已經係2014年2月14日嘅事，已經10周年啦！」
Photo from TVB IG
重新上傳嘅片段貼心咁幫嗰位男士打格仔，而Facebook亦有唔少人回顧當日嘅採訪影片，關心佢嘅「下場」，竟然吸引到疑似當事人好友留言！其中一位網民指佢無事，一家平安，另一位網民亦指佢「好安全」。
Photo from TVB IG
Photo from Facebook
有網民就表示佢其實當日真另一紮花真係幫人買，佢亦好愛佢老婆，叫大家唔好亂估，但笑言每年2月14情人節都會見到佢，為大家帶嚟歡樂。
Photo from Facebook
Photo from Facebook
Photo from TVB IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
政府宣傳片昏迷至今「李太」現真身訴近況！自稱每年都被人問候
15 Aug 2023
政府宣傳片「做個盡責同路人」中李先生揸車「令妻子昏迷至今」令網民留下深刻印象，唔少人都好奇李太醒返未。近日「李太」真身就喺Facebook留言分享近況，笑言自己每年都被人問候！
大家細個嗰陣可能都睇過一個超速駕駛嘅廣告，其實係政府宣傳片，片中一開頭就有一位女士出現，配上丈夫把聲：「呢個就係我嘅老婆大人！」之後兩人有唔少溫馨互動，應該就係一對夫婦，由老公拍攝嘅日常影片。
但到影片尾段「急轉直下」，多張車禍照片，旁白指：「2002年7月9日，李先生超速駕駛引致車禍，令妻子昏迷至今。」最後片中只見丈夫坐喺梳化上睇返以前拍嘅影片。
呢個廣告令唔少網民留下深刻印象，雖然近年已經無再喺電視播放，但過去20年都仲有人會提起呢個廣告：「咁就昏迷咗20年」，亦有好多網友關心片中「李太」究竟情況如何、醒返未。
最近Facebook再有人提起李太，今次竟然真係引到「李太真身」留言回應！李太笑言：「嘩，咁快已經21年😅醒返好耐，不過已經唔係李太🤣多謝大家關心。」李太稱：「差唔多每年都有人cap圖通知我一次。」
睇返李太本尊嘅Facebook，佢已經係3子之母，佢嘅Facebook都係仔仔嘅合照，最近佢就同兒子一齊飛日本旅行，即使過去20年李太外貌變化都唔算好大。而廣告中嘅「李先生」則由演員張滿源飾演，2023年佢喺電影《死屍死時四十四》飾演死屍施先生。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
