郭晉安9000萬物業歐倩怡無份！一原因贊同老公，但搵全職工惹不滿？！

娛樂新聞

By Jennifer on 03 May 2024

Digital Editor

今晚食乜餸：小二，嚟一碟花生！

郭晉安同歐倩怡突然宣布離婚結束18年婚姻，消息掀起網民熱議，更開始猜測兩人離婚因由。有指郭晉安持有$9,000萬物業，但老婆歐倩怡同一對仔女都無名，而歐倩怡讀書搵全職工作後，郭晉安亦曾有微言。

Photo from 郭晉安歐倩怡微博

郭晉安同歐倩怡於2006年結婚，雖然兩人相差15歲，但一直係娛樂圈中嘅「模範夫妻」。婚後二人育有一子一女，感情一向要好。但佢哋突然宣布離婚，更表示已經分開生活咗兩年，呢個決定係經過慎重考慮同溝通。

Photo from 郭晉安歐倩怡微博

其實郭晉安同歐倩怡夫婦以前亦曾經面對婚姻危機，歐倩怡結婚後漸漸淡出幕前專心相夫教子，但仔女大個後佢就進修營養學並完成咗營養學嘅學士課程，正式成為一名專業營養師。佢指當時要照顧仔女又要兼顧學業，而老公郭晉安拍戲一樣十分忙碌，兩人聚少離多，缺少溝通。

Photo from 歐倩怡IG

Photo from 郭晉安歐倩怡微博

歐倩怡指兩人曾有半年幾時間冷戰，徘徊喺離婚邊緣。但為挽回呢段婚姻佢哋決定每星期都花時間喺一齊過二人世界，又一齊重回舊地憶起拍拖時嘅甜蜜，重建感情同努力維持婚姻。

Photo from TVB

而舊年歐倩怡接受訪問時都有提到佢哋夫妻有分歧：「其實真係有啲唔『啱呀』！」更直言郭晉安對佢搵全職工作有微言：「之前都有少少話下！」但佢表示以前照顧仔女時好似過退休生活，朝早起身湊仔女返學之後就無嘢做，下晝瞓覺等小朋友放學：「其實我真係唔想咁樣過埋我下半生。」

Photo from 歐倩怡IG

Photo from TVB

雖然郭晉安同歐倩怡未有提及離婚嘅原因，但都引起唔少猜測，有指郭晉安曾持有9,000萬物業，包括西貢匡湖居、紅磡駿昇中心、旺角中僑商業大廈、太古城、荃運中心等。但全部都無加到老婆歐倩怡同一對仔女嘅名，當時歐倩怡稱怕麻煩，而唔加仔女名則係因為郭晉安認為自己離世前應應該要將賺到資產回饋社會，而歐倩怡都十分贊同。