愛妻號吳尊！絕對係男神中的男神～愛女愛子更愛妻～
講到男神同不老的傳說，好多人第一個一定會諗到吳尊！由客串《惡作劇之吻》，到2017年再次帶一對仔女參加湖南衛視綜藝節目《爸爸去哪兒第五季》，吳尊嘅表現，一直都係好多人心中嘅好男人！
吳尊係汶萊出生，台灣男藝人，曾經係男子偶像團體飛輪海成員之一。祖父吳福係金門縣人，因躲避戰亂移到汶萊，後從事五金生意。而父親係商人吳景添，從事地產生意。吳尊係屋企排行最小，屋企入面有一兄一姊。
吳尊今年再次參加中國親子節目《爸爸去哪兒5》，一開播，就引起好多人嘅關注！！！呢個節目唔止得一班小明星好受歡迎，驚鴻一瞥嘅另一半亦都成為好多人嘅焦點～
吳尊老婆林麗瑩，一時成為話題人物！佢同吳尊一樣，都係汶萊華僑，係吳尊嘅初戀女友，亦係中學同學。好多人都知，佢地2個交往近18年，而且係2009年結婚，翌年10月，妻子係汶萊產下一女，就係大家節熟悉嘅吳欣怡（乳名：NeiNei）！
而2013年10月，吳尊妻子更加產下第二胎兒子（Max）。
吳尊娶回初戀女友嘅故事再度廣為流傳，大陸好多網友都羨慕咁話「以前我只嫉妒昆凌（周杰倫妻子），現在是吳尊老婆」。睇嚟吳尊呢個好男人嘅形象，已經深入民心！
吳尊係過去受訪時曾經提過，林麗瑩同自己同年，16歲時因為姐夫牽線，而認識進而交往。係佢地係埋一齊2個月之後，佢就要到澳洲留學，當時因為太掛住情人同屋企人，待唔到3個禮拜就番到汶萊，佢話個時係佢人生中喊得最多嘅時期。一直等到老婆陪同，先飛番澳洲完成學業。
Photo from Pinterest
《爸爸去哪兒第五季》係播出嘅節目中，吳尊當日準備帶住一對仔女出發到機場，而Neinei同Max都係出發前跑去同媽媽道別。林麗瑩先抱起Neinei，再抱起Max行到門口，最後仲同佢錫咗一下。一家四口嘅畫面～真係好甜蜜溫馨～不過太太就得個背影，但對好多fans嚟講～呢個係女方首次現身節目！
老婆林麗瑩一隻手抱兒子、一隻手抱女兒，仲同吳尊kiss goodbye。雖然呢次老婆得以背影入鏡，但係卻登上微博熱搜榜冠軍。
而且節目好多時，好多嘉賓都會係夜晚同屋企人FaceTime，其他組嘅來賓都開咗視訊，唯獨吳尊無！保護愛妻之情表露無遺。大家睇完係唔係都好想成為吳尊太太呢？
有無人同小編一樣，一直好默默地支持吳尊呢？
Text: Holiday editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
