減鹽蠔油食譜挑戰 創意+健康+美味兼備 冠軍：漢堡扒玩層層疊

料理創作到底如何可以達致充滿創意的境界？例如平時只是一個漢堡扒，加入玩意想像可以變成食得又玩得的層層疊；又例如明明是中式食材及醬料，加入創意卻變成日式料理；再例如平平無奇的飯糰，透過食材的擺盤及適當的調味，讓菜式變成小朋友見到都想食的公仔造型健康小飯糰。以上非常特別的創意料理，統統都出現在早前由HolidaySmart假期日常主辦的「尋找加蠔的味道 減鹽蠔油 神鮮之味創意料理挑戰」，吸引幾百位隱世廚神參加挑戰。經過評審審視過所有食譜之後，今日公佈得獎名單，完整名單參見網站。

冠軍：Annie Wong / 得獎菜式：叠叠脆薯漢堡扒
亞軍：Ng Chi Kwong / 得獎菜式：蝦膠釀油炸鬼配蠔油蛋黃醬
季軍：Bear Chan / 得獎菜式：菇菇雞肉飯糰
優異獎：
Wendy Tang / 得獎菜式：東南亞風味炒牛肉眼
Ruby Ng / 得獎菜式：軟糯蔬菜飯煲雞
Yam Bo Yee / 得獎菜式：錫紙三色鱈魚
Li Hoi Ying / 得獎菜式：冰鎮鮑魚
Lau Ka Man / 得獎菜式：牛油果蛋沙律

今次參加者透過利用李錦記減鹽蠔油，去創作出各式各樣的創意料理，而提交的食譜會以「蠔油新食法創意程度」、「菜式神鮮之味程度」及「菜式輕營健康程度」去評分。今次挑戰一共設有5個獎項，包括冠亞季軍（各1名）、優異獎（5名）及參與獎（10名）。得獎者會通過Holiday Smart 電郵及訊息通知。

冠軍食譜：食得的層層疊 - 叠叠脆薯漢堡扒

食得又玩得，絕對不是朱古力的專利。今次獲得冠軍的食譜，就是來自Annie Wong與小朋友在日常生活中創作出來，3歲的小朋友喜愛玩積木，靈機一觸想出將充滿蛋白質的豬肉作為漢堡扒，再將豐富碳水化合物的薯仔切成條狀，經過香煎後砌成層層疊，中間夾著漢堡扒，再放上齊菜平衡營養價值。最後，當然是透過加入李錦記減鹽蠔油、牛奶及生粉進行調味提鮮。作品在3個評分標準上都得到好高評價，勇奪今次挑戰的冠軍。

主要材料（可因個人口味調整份量喔～）：
* 免治豬肉
* 李錦記減鹽蠔油
* 牛奶
* 生粉
* 薯仔
* 蕃茄醬
* 砂糖
* 水
* 橄欖油（或其他油）

做法：
1. 混合免治豬肉、減鹽蠔油、牛奶和生粉，攪拌均勻，放冰箱冷藏30分鐘。
2. 薯仔去皮切條，用烘焙紙摺成模具。
3. 加熱平底鍋加油，把醃好的豬肉放入模具，旁邊放薯條，蓋上鍋蓋中火煎5分鐘。
4. 取走模具，兩面再煎至金黃。
5. 混合減鹽蠔油、蕃茄醬、砂糖和水作為醬汁，加熱至沸騰。
6. 醬汁淋在漢堡扒和薯條上，即可享用！

亞軍食譜：簡易版咕嚕肉 - 蝦膠釀油炸鬼配蠔油蛋黃醬

屋企同餐廳的廚房，由於器材上有好大的分別，無大爐頭、無生鐵鑊，令家中可以做到的菜式相對較少。不過正所謂「器材有限、創意卻無限」，今次奪得亞軍的吳先生就用廚藝引證，蝦膠加油炸鬼都可以變成咕嚕肉。

吳先生借用他婆婆的構思，用蝦膠釀入油炸鬼之內，然後加入菠蘿青椒等配料，放入最Hit嘅煮法「氣炸鍋」氣炸7至8分鐘就完成，過程無需加油。炸熟之後加入李錦記減鹽蠔油及蛋黃醬，有少少Fusion日式煮法，感覺有點似廣島燒餅那種日式味道，同時蠔油又大大提升蝦膠的鮮味。

材料：
* 蝦膠
* 油炸鬼
* 李錦記減鹽蠔油
* 沙律醬
* 菠蘿
* 青椒

做法：
1. 將蝦膠填入油炸鬼中。
2. 將釀好的油炸鬼放入氣炸鍋，180度炸7-8分鐘，無需加油。
3. 將李錦記減鹽蠔油與沙律醬混合。
4. 將調好的醬汁擠在蝦膠釀油炸鬼上，搭配菠蘿和青椒，即可享用！

季軍食譜：日本小朋友健康飯盒 ～菇菇雞肉飯糰

大家有無曾經羨慕過日本的小朋友，可以食到由媽媽精心製作的可愛公仔造型飯盒？今次的季軍得獎者Bear Chan作品，概念應該就是源自日本小朋友飯盒，利用雞柳條、本菇、珍珠米，砌成一個豬豬型的菇菇雞肉飯糰。

先處理雞柳條、本菇切粒，加入醬油、減鹽蠔油、麻油醃大約10分鐘；之後將清淨的珍珠米加入鰹魚醬油、味醂及水就可以煲飯；煲好的飯輕輕翻拌降低溫度，取出幾條本菇、一小匙飯加入少許老抽至深色；最後放在保鮮紙上捏成球狀，用本菇、薄荷葉、紫菜、少許紅椒粉幫飯糰扮靚，砌出想要的造型。

主要材料（可因個人口味調整份量喔～）：
* 雞柳條
* 本菇
* 醬油
* 李錦記減鹽蠔油
* 麻油
* 珍珠米
* 鰹魚醬油
* 味醂
* 水
* 老抽
* 薄荷葉
* 紫菜
* 紅椒粉

做法：
1. 將雞柳條和本菇切粒，加入醬油、減鹽蠔油和麻油醃約10分鐘。
2. 珍珠米洗淨後，加入鰹魚醬油、味醂和水至水位線，將醃好的雞肉和菇類加入，煲飯。
3. 煲好的飯輕輕翻拌以降低溫度，取出幾條本菇和一小匙飯，加入少許老抽至深色，備用。
4. 將飯放在保鮮紙上，捏成球狀。
5. 用本菇、薄荷葉、紫菜和少許紅椒粉裝飾飯糰，即可享用！

原來李錦記減鹽蠔油可以演變出多種美味同食法，只要一支蠔油加創意，任何食材都即時變成美食。不妨去【尋找加蠔的味道 減鹽蠔油 神鮮之味創意料理挑戰】的比賽網站參考其他得獎菜式，如果你都有使用減鹽蠔油的創意想分享，不妨去HolidaySmart假期日常的Facebook相關的帖文留言，公諸同好！

所有獲獎菜式已公佈在以下比賽網站:
https://holidaysmart.io/hk/opinion/LeeKumKeeOysterSauce2024