香港小姐2024｜冠軍倪樂琳被批唔上鏡兼老相 獲封「翻版李嘉欣」網友：簡直侮辱緊大美人！

《2024年香港小姐競選》總決賽日前完滿結束，最後由有「城大李嘉欣」之稱的倪樂琳以大熱姿態成為冠軍！雖然當選後亦有不少網友留言至少倪樂琳能講流利廣東話，不過就亦有人對這位出爐港姐冠軍感到不滿，紛紛留言狠批倪樂琳唔上鏡兼老相，被獲封「翻版李嘉欣」亦「簡直侮辱緊李嘉欣」？！

Photo from TVB圖片

日前《2024年香港小姐競選》總決賽中，由2號倪樂琳（Ellyn）捧走冠軍寶座，但其當選後就引來大批網友熱烈討論！網民紛紛留言狠批其唔上鏡兼老相，不止嫌棄倪樂琳眼袋太大、牙齒太奇怪又大細眼，亦有網民認為亞軍梁嘉莹和季軍楊梓瑤更加上鏡：「這屆冠軍港姐真的不漂亮，不明白她分數為什麼高，反而季軍樣貌比較漂亮」、「肉酸到。又老。睇到吓死人」、「咁容易就冠軍，點解我十幾歲唔去參加」、「敗筆係啲牙到，冠、季啲牙整整先」。

Photo from TVB圖片

Photo from TVB圖片

Photo from TVB圖片

倪樂琳從入圍港姐競選起便一直獲封為「翻版李嘉欣」，然而對此就有網友認為倪樂琳與有「最美港姐」之稱的李嘉欣根本一啲都唔似：「李嘉欣應該會嬲左」、「李嘉欣大佢30年都好過佢」、「點解影到好似32歲咁？ 一點也不似李嘉欣啊！似盧淑儀多啲！」、「簡直侮辱緊李嘉欣」。另外亦有網友指出其反而與工聯會立法會議員陳穎欣、另一港姐盧淑儀，甚至是TVB處境劇《愛回家之開心速遞》中的Rebecca沈可欣
撞樣！

Photo from 李嘉欣IG

Photo from 陳穎欣Facebook

Photo from TVB圖片

Photo from 《愛回家》劇照

不過其實對於被封「翻版李嘉欣」一事，倪樂琳在決賽當晚網民評論的環節中亦有回應。當時她被問「你簡直配唔上城大李嘉欣」時，她就大方回答說：「每個女仔都唔應該被定義，多謝網友同媒體畀我呢個稱號，令我喺參選期間多啲曝光率。但我覺得女性應該係好多樣嘅，希望透過我今日比較好、比較出色嘅表現，令大家喺港姐舞台記住我，而唔係記住我係翻版乜乜乜，或者係城大乜乜乜，今晚之後會記得原來城大出咗個好唔錯嘅香港小姐倪樂琳。」

Photo from TVB圖片

Photo from 倪樂琳IG

Photo from 倪樂琳IG

Photo from 倪樂琳IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）