尖沙咀首飾店3萬8陶瓷兔遭小童整斷腳 網友：天線得得B事件2.0?

天線得得B事件2.0？近日，尖沙咀K11 MUSEA內一間首飾店，發現店內一隻價值3.8萬元的陶瓷兔子雕塑竟慘被弄斷雙腳！店方其後翻查閉路電視，拍得是一名成年男子帶同兩名小孩所為。而事後店方在社交媒體發文，對事件表示遺憾，更引起網民熱烈討論！

Photo from Threads 圖片

據悉，該間首飾店是為宣傳新首飾系列，於是邀請了一名本地女陶藝家創作該個兔子為主題的陶瓷藝術品，照片可見該大型兔子雕塑「小淇」放於飾櫃附近地面，並有標明「小心台階」、「HK$38000，請勿觸摸，如有損壞照價賠償」，不過就未見有任何圍欄或保護裝置。

Photo from Threads 圖片

Photo from Threads 圖片

直至昨日（2日）店方就突然發帖稱，「K11 MUSEA 門市的小兔子小淇被人整爛了」，雖強調陶藝家會作修補，但從照片中就見小淇被「弄斷」雙腳，狀況慘烈。另外店方亦有上傳店內CCTV影片，可見當時有兩名穿相同服裝的小孩見到兔子後上前把玩，其中有觸摸動作，及後身旁一名男子觸摸「兔耳」並移動雕塑，似乎發現不妥，隨即要求兩名小孩別再接近，而該男子其後就「打橫」放下小淇，隨即離開。過程中另有一位白衫男子曾以手機拍下3人的行為，惟未知他們是否同行。至於陶藝家就於社交平台稱已報警，但仍未找到涉事人士。

Photo from Threads 圖片

Photo from Threads 圖片

Photo from Threads 圖片

該帖文一出馬上引發網民熱議，不少網民指事件如「天線得得B公仔事件翻版」，其中亦有人質疑店方沒妥善保護藝術品，「其實算唔算另類碰瓷黨？先唔好講啲細路衰多手 本身你舊嘢都唔見得好穩陣」、「就咁放喺地下，仲要喺個飾櫃前面，唔好話小朋友，大人行去飾櫃睇嘢都可能唔小心撞到，值錢容易打爛嘅嘢就唔好擺路中間啦，好彩啲碎片冇整親小朋友」、「唔係好明，40k咁樣放？同埋點整爛？我見小朋友掂一掂，好似未跌落地就爛咗咁，好似好兒戲。」、「其實都唔係小數目 又有天線得得b嘅前車之鑑 點解仲係無圍欄無玻璃罩就咁擺喺度？」

Photo from Threads 圖片

另外亦有網友認為涉事男子和小童的行為不妥，強調「眼看手勿動」、「家長自己唔睇住個細路，我打爛嘢就緊係要賠㗎啦 放櫃上面未一樣小朋友爬上去整爛，管教唔好就想搬句「他只是個孩子」了事。」、「人哋寫明38000仲走去摸」、「出街要睇住小朋友，係嘢都攪，家長要負責任」、「其實眼看手勿動真係咁難咩?幼稚園都有教啦」

Photo from Threads 圖片

>>事發CCTV影片<<

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）