【銅鑼灣美食】米芝蓮超飽滿糯米糍　最平$8粒！必食開心果＋榛子味

開心果糯米糍一直大受歡迎，今次發現銅鑼灣有間米芝蓮小店都推出了開心果糯米糍，趁未有人排隊一於試試！想知地址＋價錢，即看內文！

開心果糯米糍熱潮直捲香港

開心果熱潮一浪接一浪，開心果糯米糍更加引起不少關注，不少小店都推出爆餡糯米糍吸客，當中老字號「均香餅店」和「民豐粉麵行」門外更大排長龍，誇張到至少排1小時才能買到開心果糯米糍，一個難求！

Photo from Presslogic

Photo from Presslogic

銅鑼灣米芝蓮糯米糍小店｜主打中式糕點餅食

屹立銅鑼灣20多年的時代豆業鄰近銅鑼灣美食街「登龍街」，主打中式糕點餅食，如砵仔糕、芝麻卷、花生酥、淮山餅及炒米餅等，今年更獲得米芝蓮推介，十分架勢！

銅鑼灣米芝蓮糯米糍小店｜必食開心果＋榛子味

近日店家最受歡迎的食品莫過於人手製作的糯米糍，$10/個；$25/3個，最平大約$8一個，相當抵食！糯米糍一共5款口味，包括：開心果、黑芝麻、榛子、花生和紅豆味等，每粒都好飽滿軟糯。

開心果味帶果仁碎又濃郁，與均香和民豐的糯米糍不同的是，餡料比較濕潤，而且未達至爆餡的效果，但也算是足料的！記者私心推介榛子糯米糍，切開後榛子醬即刻湧出，十分澎湃；加上粒粒榛子，食落香甜又口感豐富。

Photo from Presslogic

Photo from Presslogic

Photo from Presslogic

銅鑼灣米芝蓮糯米糍小店｜黑芝麻味香口濃郁

另外黑芝麻味香口濃郁，食落綿密紮實；花生味內餡保留花生粒，夠香甜軟糯又有咬口。最後推介口感細膩綿密又的紅豆味，紅豆蓉甜而不膩，食落好滿足！

Photo from Presslogic

Photo from Presslogic

Photo from Presslogic

時代豆業
地址：銅鑼灣堅拿道東1號地舖
營業時間：星期一至日 11:00至23:00
電話：21511332

更多【美食推介】請按此

相關文章：
【肉肉大米】內地漢堡扒店攻港！挽肉と米對手？席前即煎＋$95起套餐無限添飯/湯 （附地址＋價錢）

相關文章：
【Kuromi主題Cafe】5款打卡造型美食！空氣感梳乎厘＋限量禮盒＋可愛精品（附地址）

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）