玫瑰控揮手區～玫麗奇緣下午茶！食到精緻花花茶點又可以扮靚靚～要約閨蜜無限打卡啊

有無玫瑰控啊～小編我就係其中之一喇，除左鍾意陣香味之外～我仲對啲加入玫瑰花嘅食物毫無抵抗力！而今次介紹呢個由帝京酒店推出嘅瑰麗奇緣Afternoon tea set就滿足哂我所有對玫瑰嘅願望喇～

Photo from Presslogic
今次呢個tea set係帝京酒店Lion Rock聯乘左澳洲高級有機香薰品牌CANVAS而做嘅～
除左係食物加入玫瑰花同其他花花嘅元素，令到每件茶點都又靚又有花香之外，隨呢套tea set仲可以得到一份CANVAS玫瑰極緻潤澤修護套裝！入而仲有$100嘅CANVAS現金卷，到時想買咩扮靚靚都得啦～

Photo from Presslogic
講番個tea set，真係整得好靚好高貴～岩哂同你閨蜜一齊黎係玫瑰花嘅氛圍中慢慢打卡！

當然有齊甜點同鹹點啦～鹹點總共6款，而甜點佔7款～小編認為甜點更加出色啊，始終女仔都係對甜品抵抗力較差嘛！

鹹點分別有松葉蟹肉伴薄荷木瓜、紅菜頭三文魚伴檸檬香檳果凍、汁燒帶子伴南瓜薯蓉、芝士雞絲甘筍麵包卷、煙煄鴨胸伴橘子洋葱醬、脆米香葱鮮蝦油揚。

而小編係入面最鍾意就係個汁燒帶子伴南瓜薯蓉～本身一睇以為係甜點，食落帶子新鮮爽口，而配上下面一層南瓜薯蓉，配搭好新穎！而食落又好滋味～Photo from Presslogic

芝士雞肉甘筍麵包卷外型非常的骰，而且著色好鮮豔！見到都胃口大開～
佢係一層鬆軟麵包捲住一層濃而不膩嘅芝士雞絲，好好味！Photo from Presslogic

脆米香葱鮮蝦油揚就好似一粒少少嘅餃子，一啖就食得哂，香脆可口～Photo from Presslogic

而甜點就有黑莓薰衣草蛋糕、玫瑰朱古力杯子蛋糕、草莓玫瑰卷蛋糕、紅桑子玫瑰荔枝撻、柑橘奶凍伴佛手柑泡泡、檸檬白朱古力慕絲蛋糕，同下午茶唔少得嘅提子鬆餅！

玫瑰朱古力杯子蛋糕成個美女與野獸個支花咁啊～一件岩岩好，朱古力味濃郁但食落又唔會太甜膩！Photo from Presslogic

柑橘奶凍伴佛手柑泡泡係重點推介啊！ 個外形成枝香檳咁～入面有入口清甜嘅奶凍同有佛手柑味道嘅泡泡，好似食緊份子料理咁啊！Photo from Presslogic

草莓玫瑰卷蛋糕又係超可愛～一個迷你蛋卷捲住滿滿嘅忌廉～真係好好味啊！Photo from Presslogic

順帶一提，提子鬆餅非常有牛油香，仲可以搽上有陣陣花香嘅玫瑰糖漿，真係香甜好味～
另外仲有一枝好似tester嘅玫瑰花醬，唔係護膚產品黎嫁～係可以隨意滴落啲甜點到嫁！Photo from Presslogic

Photo from Presslogic

個下午茶嘅架仲係師父特登為左呢個tea set而設嫁，而設計概念更加係想客人坐係枱嘅兩邊都可以拎到每一份茶點，盡見呢一份tea set嘅細心啊～

特色飲品分別有一凍一熱比大家選擇，凍嘅叫Aroma，熱嘅叫Pink Fairy。
Photo from Presslogic

Aroma主要係茉莉花茶再加上黑加侖子漿～酸酸甜甜又有陣陣茶香！Photo from Presslogic

而Pink Fairy就係以白朱古力奶混合草莓果蓉同紅石榴糖漿調成嘅，奶味香濃係幸福嘅感覺！Photo from Presslogic

Lion Rock仲要真係有落地玻璃可以望到獅子山，快啲同你閨蜜一齊黎啦～

Lion Rock x CANVAS 瑰麗奇緣下午茶

地點：Lion Rock 帝京酒店
地址：九龍太子道西193號帝京酒店3樓
供應日期： 由即日起至2017年12月31日
時間：15:00～18:00
價錢：HK$508 兩位用；HK$270 一位用 （*另加一服務費）
訂座電話：2622 6167

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載