叱咤2024|網民力數叱咤頒獎禮3大罪名！感覺已變質+欠公信力：鄧紫棋係啱㗎！

By Macy Sun on 14 Nov 2024

Digital Editor

每年關注度極高的叱咤樂壇流行榜頒獎典禮，即將於明年1月1日舉行。頒獎禮今年主題為「我在狂歌亂舞」，而「叱咤樂壇我最喜愛的男歌手」、「叱咤樂壇我最喜愛的女歌手」及「叱咤樂壇我最喜愛的組合」的首輪投票現已開始。不過近日，就有網民在討論區力數叱咤3大罪名，指控叱咤已經變質，引起熱烈討論。

Photo from FB@my903.com 商業電台

日前，有網友以「叱咤近了，想提醒大家」為題在連登討論區發帖文，指叱咤已經不復當年已經變質，提到大會以AP方式計算賽果已經過時，不能反映香港人對廣東歌的主流意見，還提醒大家不需要太上心，因為只是浪費時間。而樓主亦有在貼文中列出叱咤頒獎禮3大罪名：

1. 叱咤已變成一個廣告平台

樓主指責叱咤已經變成一個廣告平台，DJ播放率已變成可用錢買的，更指任何排名只是表明該名歌手背後的財力，還有跟那位DJ的關係熟悉以及好感度。比起其他音樂平台的播放率，已經沒有很大的意義。

Photo from FB@my903.com 商業電台

2. 叱咤九成的獎項似被DJ內定

樓主提到頒獎禮九成獎項似是由DJ內定一樣，獎項中只有「我最喜愛」是可以投票。所以無論是網上投票或是現場，都不能再反映「你最喜愛」，同時他亦坦言：「所以呢個頒獎典禮係冇意義」。而對於這一看法，其他網民亦有同感，留言指：「其實Spotify、Apple Music、KKbox、YouTube，是但一個都仲有公信力過商台」。

Photo from youtube＠商業電台 Hong Kong Toolbar

3. 叱咤已不是一個音樂節目

樓主認為叱咤已經不是一個音樂節目，因為安排表演的方式竟然已變成得獎音樂人立刻獻唱，覺得這樣的安排並不是追求音樂質素，只是追求娛樂和綜藝。有網民表示十分認同，認為形式根本是「玩歌手」，留言：「逼人臨急上場，搞到歌手甩嘴，咁都叫做好睇」、「就算冇得綵排，知自己有份上台都會喺屋企練定先啦」，又有指「今時今日啲AP全部有數計，你知我知單眼佬都知，唔通啲歌手同唱片公司會唔知咩」。

Photo from youtube＠商業電台 Hong Kong Toolbar

帖文一出引起不少網友討論，雖然就有網民持平，指：「咁認真做乜，就算當睇show，佢都係咁多個電台頒獎禮最好睇嗰個」。但同時就有人重提2012年鄧紫棋（G.E.M）不再出席叱咤後發表的言論，當時她曾懷疑商台的準則：「你想做一個一年度event係冇問題，想搞一個盛事，好多人來參與係冇問題。但是，你一定要admit自己做緊嘅呢件事。你一定要be true to yourself，你個宗旨一定要去實行。佢表達嘅message同要做嘅嘢不一致嘅時候，呢個就係不公平。」網友們指當年G.E.M的言論很有道理：「走得太前」、「當年牙漿真係x得啱」