張致恆做散工被擺上檯 慘變搬運公司宣傳工具 嬲爆發文：咁樣好玩咩？

張致恆（Steven）與太太區燕雯（雯雯）婚後育有4子，二人婚後經常為經濟壓力吵架，雯雯不時在社交平台放負，甚至淪落到要向網民借錢解決，被封為「離婚界KOL」。Steven在長期經濟困難下，近月來就努力返地盤工，但卻似未能改善家庭生活狀况。而近日Steven就在社交平台上指控遭僱主「擺上檯」，被人利用名氣以「睇明星」號召散工，令其相當不忿！

Photo from IG@ugly__mama

事源近日有網友在Facebook群組發文招聘搬運散工，在列出工作內容及招聘詳情，提到：「24號星期日要2個散工，葵芳搬健身器材，$1000即日出糧，做5小時，無樓梯，前英皇藝人Steven張致恆，都會一齊嚟開工。想做可以PM我」，試圖想要利用Steven的名氣來吸引更多幫工。

Photo from 網上圖片

其後就有網民看到帖文，並轉發相關貼文留言抽水︰「有得睇明星...點人做嘢。」至於Steven本人在得知後亦有在其Instagram限時動態中發表了自己的看法，他曬出與僱主的對話，並似乎對被「擺上枱」一事感到不忿，嬲爆回應：「其實我都係想搵多少少奶粉錢啫，咁樣好玩咩，你叫埋東張西望嚟吖嘛」。

Photo from IG@stevencheung

Photo from IG@stevencheung

這次事件亦引起網友廣泛關注，有網民表示支持Steven，認為他真正努力工作是值得尊重的，並批評那名判頭的行為，「個判頭又幾x街」「如果係既話個判頭都幾x街，人地都係正正常常搵餐晏仔姐，唔洗咁樣開名下話」、「人哋都做嘢啦！放過佢啦」、「請問有乜好笑？」、「搬五個鐘野 每hr 先200辛苦錢」、「至少人哋終於有返膊頭返工」等。但同時亦有其他網友認為若Steven不出面回應，其實是沒有人知道是其炒散一事是真的，更質疑Steven是否故意這樣令自己形象變好：「呢啲叫自爆，佢唔覆其實無人覺得係真 」、「多謝個判頭啦，又幫佢做好形象」、「係咪夾埋架，佢唔post出黎根本無人理」

Photo from IG@stevencheung

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）