東張西望｜何伯8號風球被房署趕出家門何太聲稱被迫害：係咪咁絕情？

By Macy Sun on 18 Nov 2024

Digital Editor

何伯與何太夫婦今年5月時因被《東張西望》連日追訪而成熱話，而節目過後半年間他們又經常開直播自稱網紅，可惜不獲網民歡心，一開直播就被人罵及投訴外，更被人舉報濫用公屋，以致早前敗走內地。而兩人日前回港，就再被網民發現行蹤，更被踢爆指何伯疑似在公屋「屈蛇」，最終事件驚動房屋署，兩人8號風球被趕「7街瞓」？！

Photo from TVB圖片

日前（14日）有網民在社交平台發文表示見到何伯疑似回屯門公屋「屈蛇」，因為何伯在何太屯門的公屋沒有名，所以不能在上址留宿。事件被爆出後，16日就再有網民於內地捕捉到兩人的行蹤，指他們又開始敗走內地，開始顛沛流離的生活。最終在昨日（17日）何太於影片頻道發文，指自己又被人迫害：「房屋暑（署）迫害我哋，今次遇上8號風球都要趕走，請有良心人士替我主持公道。」

Photo from 網上圖片

據何太聲稱，在懸掛8號風球當日，被房署有一名姓鄧職員上門「迫害」：「我哋兩公婆落香港兩日，逗留兩日約咗日子睇醫生嘅，竟然都可以迫害我哋。係咪咁樣做嘢㗎房屋署局長，你出嚟交代！佢話代替你局長講嘢喎，係咪？我哋幾個女都冇返去嗰度，都冇喺嗰度住啦，有時返一日半日啦，係咪咁樣絕情？」同時她又透露，何伯「被迫」要離開屯門公屋單位。

Photo from 網上圖片

何太又指自己只是回屯門的公屋逗留了三晚，房署一收到「黑粉」的舉報就「做嘢」向他們迫害，但就沒有想過他們的感受。何太其後又向大家表示「法律不外乎人情」，更「大口氣」說到與房署打官司也是房署輸。而大多網民得知事件後，就沒有同情何伯要「7街瞓」，反覺得大快人心指房署「做到嘢」、「房署好波」，亦指出何太是「霸佔公屋」。此外有人提意見指「新何太」其實要把何伯的名加上去便可解決此事，但何太卻一直不肯加。