TVB靚仔小生任Lisa港騷主持獲好評網友：無綫快啲捧佢做金牌司儀！

By Macy Sun on 21 Nov 2024

Digital Editor

韓國女子天團BLACKPINK成員Lisa日前於香港舉行壓軸尾場《LISA Fan Meetup in Asia 2024–Hong Kong》見面會，吸引萬多位來自不同地方的粉絲入場！而今次香港場的主持亦被發現竟然是由「呢位」TVB靚仔小生全程用英文主持，一眾網友驚訝之餘亦大讚其表現！

Photo from IG@lalalalisa_m

日前BLACKPINK LISA粉絲見面會尾場香港站，由TVB小生黃庭鋒擔大旗獨自主持，期間黃庭鋒以一口流利的英語與Lisa溝通，表現驚艷觀眾。而見面會後黃庭鋒接受訪問，被問到為何會被Lisa方睇中做主持時，他就笑言：「我Send咗自我介紹Video，然後經過佢經理人公司、主辦單位、韓國嗰邊批刻，最後決定咗係我，初初收到消息真係難以相信，更加唔相信係自己一個主持晒成個Show。」

Photo from IG@tingfung0602

Photo from TVB圖片

其後黃庭鋒又提到最難忘是在台上教Lisa講菠蘿包：「嗰晚Lisa心情都好好，成個show大家好似喺度chit chat傾偈咁。（你哋用咩溝通？）今次台上係冇翻譯嘅，全程英文同佢溝通，呢個都幾得意，我未試過全英文去做一個Show。」他又指由於現場保安嚴密，一直未有機會與Lisa打招呼，最終卻有幸於臨出場前撞到準備出台的Lisa，Lisa即「趷高腳」主動跟他say hi之餘，還叫他Good Show。他亦大讚Lisa好專業：「佢當日其實有少少唔舒服，但佢全程都表現得好開心，佢對香港都好多難忘回憶。」

Photo from IG@tingfung0602

對於黃庭鋒當日的表現，不少網友都相當不吝惜地於黃庭鋒IG上留言大讚：「沒想到昨晚主持是你，你做得好好呀！」、「你英文勁好，又靚仔呀！」、「「TVB是要力捧的金牌司儀」、「鋒仔，中文、英文、日文,你樣樣都得，傳說中的國際通」、「成件事係型嘅！」、「我有同事係現場睇，話你英文勁好又靚仔呀！」。而其實黃庭鋒主持實力近年一直被睇好，由於精通多種語言，早前主持奧運期間，亦因表現出色、大晒流利日文訪問運動員贏盡好評！