林明禎回應被指「大話禎」解釋甩底首映禮來龍去脈：控制唔到人哋點樣講！

林明禎早前臨時缺席電影《手機見鬼》首映禮，在活動舉行前3小時突然通知主辦因為護照問題無法出席，引起導演彭發非常不滿。而今日（13日）她現身中環出席活動時終於首次開腔談論事件，解釋甩底首映禮的來龍去脈，並回應被指「大話禎」一事！

Photo from ViuTV截圖

林明禎今日（13日）出席公開活動，免不了被問及有關早前臨時缺席電影《手機見鬼》首映禮一事，而對於遺失護照她就解釋：「其實之後就搵得返，主辦方嗰邊好好，接觸嘅單位比較多，所以要經過比較多人聯絡，我接觸係馬來西亞主辦方，好似護照唔見咗之後即刻搵返護照，都有第一時間通知主辦方，之後搵得返護照嘅時候，嗰邊話好開心我可以趕上謝票，希望我電影結束前可以趕到，我趕到嘅時候喺戲院裏面準備要謝票，可能流程係安排上嘅問題，之後就比我先返屋企，我有同Fans影相同埋打招呼。」

Photo from ViuTV截圖

Photo from ViuTV截圖

至於事發當日導演彭發開腔直指不明白林明禎缺席首映禮原因，林明禎就說：「我覺得可能係有一啲誤會，我哋當天任何嘅問題狀況都係第一時間通知馬來西亞主辦方，所以我覺得首映禮嗰一日大家（主辦方）非常忙碌，可能負責嘅部份比較多，我唔知道係咪流程嘅問題，我之後都有同導演嗰邊解釋。」她更指有私下有與彭發道歉，而對方亦有「笑容滿面講冇事」。

Photo from ViuTV截圖

Photo from ViuTV截圖

另外這次事件掀起關注，林明禎更是因事件被網友封為「大話禎」，就連王晶日前也有就事件回應批評有關「工作態度的問題」。對此林明禎就表示：「我控制唔到人哋點樣講我，但係我相信同我合作過嘅對象都非常清楚我工作處事態度，呢方面我都有信心。」，並承認自己的失誤，指會繼續就做好自己的本分，並在之後配合電影廠商的宣傳。

Photo from 影片截圖

Photo from ViuTV截圖

而昨日（12日）正與林明禎「了解中」的呂爵安（Edan)亦有回應有關林明禎缺席首映禮的問題，並力撐林明禎指認識她的人都知道其為人，對此林明禎亦有回應：「多謝Edan，其實呢件事我之前合作過嘅導演都有send訊息俾我，同我講加油，所以我覺得好溫暖好感動。」

Photo from ViuTV截圖

Photo from ViuTV截圖

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）