張敬軒陳卓賢結伴買外賣被偶遇 親解兩人關係大讚Ian「乖仔」？！

張敬軒入行多年在圈中人緣極佳，更相當照顧後輩，其中他與MIRROR成員陳卓賢 (Ian) 亦十分老友！日前，就有網友捕獲軒公疑與Ian在澳門結伴一同買外賣，引起網民關注。而對此軒公在出席完《新城勁爆頒獎禮 2024》後訪問就有回應，親解兩人關係更大讚Ian「乖仔」？！

Photo from IG圖片

張敬軒（軒公）與MIRROR成員陳卓賢（Ian）關係向來密切，軒公曾公開感謝Ian在他患上COVID期間悉心照料，而Ian近日亦提到自己在初入行時，經常因太執著而影響心理健康，甚至會「匿埋自己喊」，幸得軒公助他打開心扉。今年7月Ian舉行尾場演唱會時，在台上突然自爆「冇咩朋友」，之後他續說：「接落嚟呢位嘉賓好重要，成日好失意嘅時候開導我，之後變咗亦師亦友嘅關係，好照顧我。」其後，因工作在身未能到現場的軒公以白馬王子造型現身大銀幕與Ian 合唱，更是引起全場觀眾歡呼。

Photo from IG圖片

Photo from IG圖片

而日前，就有網友疑似捕獲軒公與Ian一同結伴於澳門買外賣，拍下照片並留言寫道：「今晚同老best食完飯出餐廳偶遇軒公同Ian 我係咪行運啦？」相中可見疑似Ian一身全黑打扮，戴上口罩，而軒公則拿着一個大袋「咀香園」遞給身旁的助手。照片曝光後，網民都紛紛表示：「之前我聽過張會由英皇出資自組公司請lan做旗下artist，唔知真唔真」、「兩位男神私會」、「係咪有合作？」等，不過其後該相片卻火速被刪除。

Photo from 網上圖片

Photo from 網上圖片

直至前日（28日），軒公參加《新城勁爆頒獎禮 2024》橫掃三大獎後接受訪問時，他就有回應傳聞，指日前完成活動後，與一班姨媽姑姐、親戚朋友搞慶功飯局，由於該間餐廳好食兼好難book，於是軒公便決定叫齊最close的朋友一齊大嘆美食，拉埋Ian到場。不過他就指對方全程好怕醜，又唔出聲，但亦大讚Ian好乖，表示已收到Ian新碟，大讚好靚。至於Ian將在明年舉行世巡，被問到會否有機會「完成」同台演出，軒公就表示有度期飛去支持對方，但無考慮同台。「我上台好麻煩，唔好搞啦，等我問下我哋共同監製。」

Photo from FB@Metro Broadcast 新城廣播有限公司

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）