張致恆雯雯再被質疑「扮窮」 網友目擊全家每人一部iPhone入迪士尼玩？！

有「離婚KOL」之稱的張致恆及雯雯夫婦，經常在社交平台呻窮嗌離婚，屢次成為新聞人物。早前張致恆更是出post指公司提早收爐，向網友尋求part time打工機會，而雯雯則一如以往地呻屋企冇飯開，更指「真係可以成家跳樓」情況令不少網民擔心。不過近日就再有網民發文質疑他們一家「扮窮」，指目擊他們全家人手一部iPhone入迪士尼玩？！

Photo from IG圖片

Photo from IG圖片

Photo from IG圖片

近日有網友發帖，指日前於輕鐵巧遇張致恒夫婦和3個小朋友，並質疑他們一直扮窮，而從網友上傳的相中就只見張致恒與雯雯，未見有小朋友現身，亦沒有拍下他們的電話型號，但該網民就稱：「成日喺度話窮！男嘅一部iPhone ，女嘅一部iPhone，小朋友每人一部iPhone！我覺得我仲窮」。

Photo from 網上圖片

另外，亦有網民指曾於荃灣遇到他們到DONKI掃貨，「幾富貴啊！Donki喎，冇錢買奶粉，同埋個工人！點會覺得佢哋過窮等人嘅生活。」同時又有網民貼出雯雯與2名兒仔去迪士尼的照片，力指Steven一家成日去迪士尼，而且不時見到他們外出用膳，認為二人終日呻窮，其實根本就是想搏同情，想獲得網民課金，生活無憂。

Photo from 網上圖片

而據悉雯雯與2名兒子同遊迪士尼的照片，應是雯雯過去vlog中截圖，如果當事人想要扮窮應該不會公開短片。而且亦有網民指出雯雯曾經自爆大仔精力充沛需要放電，於是有善心人便贊助了張致恒一家迪士尼入場年票。

Photo from IG圖片

不過儘管如此，網友就認為兩人一直以來在網上的呻窮嗌離婚的行為完全是「做戲」，實情夫妻倆經常孖住去街，又一齊接小朋友放學甚至搭的士返屋企，比很多夫妻感情還要好。發文者亦再爆料指：「我撞到佢哋嗰陣時， 佢老婆講嘢不知幾陰聲細氣，唔似平時佢網上面成日鬧佢老公， 兩個喺網上面應該扯貓尾」質疑兩公婆「唔做編劇嘥晒」。然而張致恒昨日（23日）就有在限時動態貼出自己正在用的電話型號（Samsung A14）作出回應，反問：「又何來一家人每人一部iPhone呀⋯⋯」

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）