旅行後易病? 原來因為搭飛機! 機艙四個中招位要小心

有冇發覺身邊總有啲同事，去完旅行返嚟都要請病假？唔好以為佢哋有心射波呀，事關搭飛機真係會接觸好多細菌!

Photo from pinterest

一、著短袖衫褲上機
有唔少文章都有提醒大家上機千祈咪著短褲、短裙，因為座椅藏惡菌，衣服可以保護皮膚，避免接觸到細菌，甚至抗藥性嘅金黃葡萄球菌，減低皮膚受到感染嘅風險。所以唔止下半第，上半身都要記得著返件褸！

Photo from pinterest

飛機座椅、扶手污糟就唔在講，但原來椅背口袋、飛機雜誌係仲邋遢!! 因為呢啲位置幾乎唔會進行清潔... 有微生物學家指出，如果乘客身上帶有病菌，嗰啲細菌仍然會存活喺機艙入面幾日。下次悶想拎本雜誌睇？聽下歌算啦...

Photo from pinterest

二、進食飛機餐
座椅唔乾淨，但起碼張摺枱都會清潔掛？少年你真係太年輕啦... 調查顯示，飛機上嘅摺枱有六成機會含有病毒！其中包括令你痾到腳軟嘅大腸桿菌。

Photo from pinterest

如果食飛機餐唔小心跌咗食物落枱，千祈唔好信「三秒內執返唔會有菌」嘅都市傳聞呀！

Photo from pinterest

三、在機艙呼吸 (唔係講笑!)
機艙空氣相對濕度較低，一般只有11％左右。低濕度會對我哋鼻粘膜纖毛清除系統（Mucociliary Clearance System）造成負面影響，人體嘅鼻粘液同細毛薄層，可以阻隔病菌，病菌會直接由鼻移到喉嚨，再吞入人體，再喺胃入面被胃酸殺死。但由於呢個保護系統喺低濕度環境下唔可以正常運作，病毒就有機會入侵肺部，繼而感染。

Photo from pinterest

另外，好多人認為飛機飛行途中，機艙內嘅空氣會一直焗住，增加傳播病菌嘅機會。但事實上，現代飛機嘅空調系統，係由天上嘅新鮮空氣同機艙內嘅環流空氣組合而成，根據美國聯邦航空管理局2013年嘅報告，新鮮空氣喺高空係無菌，飛機嘅HEPA過濾器亦有效去除細菌、病毒、灰塵同黴菌。咁邊到先係出事位？

Photo from pinterest

四、飛機在地面
答案就係飛機待飛嘅時間。當飛機停喺停機坪嗰陣，飛機嘅空調系統係由輔助動力裝置推動，而唔係飛機本身嘅系統推動。呢段時間病菌就乘機潛藏喺機艙內，繼而到處傳播。

Photo from pinterest

所以，如果同一班機有乘客帶病上機，你會中招嘅機會都相當高... 唔好再話你同事射波啦～佢都唔想㗎～！

Text: Holiday editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）
*本文章的圖片均經其本人或其公司授權，其他媒體不得轉載