謝霆鋒啟德個唱飛炒價逾17萬 老闆楊受成爆：拉姑都嗌晒救命！

謝霆鋒早前宣布將於啟德主場館舉行兩場《Evolution Nic Live謝霆鋒進化演唱會》，成為亞洲首位在場館開騷的歌手！演唱會消息一出已出現撲飛熱潮，近日網上更是出現疑似「黃牛」放飛，門票被炒至17萬多一張，就連英皇大老闆楊受成都爆料指拉姑都「嗌晒救命」！

Photo from 演唱會海報

謝霆鋒相隔25年再次舉行演唱會，消息一出全城即現撲飛熱，上月信用卡優先訂購門票亦即被秒殺，一票難求！近日網上更是疑似出現「黃牛」放飛，門票被炒至逾17萬人民幣一張，認真誇張！

Photo from 網上圖片

而日前英皇娛樂集團營運總裁霍汶希（Mani）就有跟英皇集團主席楊受成、久未露面的四哥謝賢、霆鋒及拉姑團拜。其後受訪時，對於霆鋒門票被炒高至六位數字，Mani就勸大家要理性購票，「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」

Photo from IG圖片

楊受成亦透露霆鋒個唱一票難求情況：「阿拉姑都嗌晒救命呀！」，當被問到現在是否不夠膽聽電話怕被跪求一票時，他就直言：「聽！點會唔聽！我話你哋登記先，到時如果有，我就俾你！」而對於加場問題，楊博士就發揮幽默本色，表示：「你知佢（霆鋒）好有性格㗎，冇人可以叫到佢㗎，佢𠵱家諗緊。」

Photo from IG圖片

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）