史上最強甜品焦糖燉蛋泡芙誕生了～～creamy吉士醬滿瀉！米芝蓮貓頭鷹有期間限定新搞作～～～

By 123testing on 24 Oct 2017

尖沙咀有間賣法式泡芙賣到入選米芝蓮應該真係無人唔識啊～甜點呢家野真係食極都唔會厭的！佢地仲要推出左新產品～係結合左小編最愛嘅泡芙同埋焦糖燉蛋，真係聞者都流幾滴口水！等小編為大家即刻報導！

Owl's Choux係一間將意大利手工雪糕Gelato結合法式泡芙作為主打嘅甜品店，係正K11對面嘅街角。真係岩哂係尖沙咀食完晚飯轉下場食甜品啊～
Photo from PresslogicPhoto from Presslogic

Photo from Presslogic

究竟咩甜品咁厲害勁到打入米芝蓮呢～小編食完真係不禁仰天長嘯大叫：真係好好味啊～～～～～
Photo from Presslogic

為左保持泡芙嘅酥脆質感，原來所有泡芙都係每日新鮮即焗嫁！而Gelato亦係工場人手手工製成，唔怪之得真係咁好食啦！
Photo from Presslogic

新推出期間限定嘅有焦糖燉蛋泡芙同埋意式芒果泡芙～老闆不停試不停改良而得出呢個version嫁！真係極推介，愛食甜品嘅你係必食首選！

焦糖燉蛋泡芙 ($28)
中間唧入左濃濃嘅雲呢拿吉士醬，上面搽上厚厚一層檸檬蛋白同沾上一層砂糖～用火槍燒啊燒，慢慢就見到佢變成焦糖！呢個步驟仲要重複做兩次去達至最焦糖嘅效果～Photo from Presslogic

Photo from Presslogic

嘩～呢個真係好食到飛上天，上面個層焦糖係帶軟綿黏黏嘅質感，香香嘅焦糖就好似食緊平時BBQ燒香左嘅棉花糖咁～而中間個層雲呢拿吉士醬真係好香濃～泡芙就好酥脆！真係好食到感動流淚啊！Photo from Presslogic

而另外一款期間限定就係意式芒果泡芙 ($26)
入面係有熔岩般嘅流心芒果醬～入面嘅芒果醬同吉士醬真係好澎拜，酸酸甜甜咁～岩哂啲怕齋得甜嘅人！
Photo from Presslogic

Photo from Presslogic

Photo from Presslogic
Photo from Presslogic

法式小泡芙 (小$25; 大$35)
仲有呢個一口小泡芙啊，黎緊係聖誕節仲會推出呢個用左朱古力榛子而整成嘅版本！出面嘅外層灑上大大粒海鹽，中間有甜甜嘅榛子醬，一啖可以食哂真係好幸福呢～
Photo from Presslogic

天鵝絨泡芙 ($58)
佢地招牌到街知巷聞嘅有Red Velvet泡芙，外層係烘熱左嘅天鵝絨泡芙，中間夾住雲呢拿杏仁Gelato再淋上帶陣陣香甜味嘅士多啤梨玫瑰漿，再配上粒粒嘅天鵝絨蛋糕～紅色嘅外表真係好可愛！仲要真係好好味，外層鬆脆帶微甜，同入面冰凍綿密嘅原味Gelato配合得天衣無縫～真係好想再食多個！仲未食嘅你要快啲去試下喇！
Photo from Presslogic