七旬婆婆拉車仔做外賣步兵 同行爆：佢個朵喺將軍澳好響 熟客個個大讚！

近年外賣越來越盛行，不少年輕人都成為送外賣一員為賺取外快～而近日就有網友分享竟在將軍澳遇到一名年約70歲的婆婆送外賣，她不僅態度相當專業，更識用手機應用程式在外賣平台接單做「步兵」，引起討論！

Photo from 《不能說的故事》劇照

近日有網友於社交平台發文分享指遇到一名「70幾歲阿婆送餐步兵。」從樓主上傳的照片中可見，有名滿頭銀髮的婆婆正彎着腰，將一袋外賣放進買餸車仔中。而樓主就指原來他亦是外賣步兵一員，與婆婆聊天期間得悉其做步兵原因原來是「當做運動兼有收入」，樓主更透露婆婆更懂得用手機「踢單」，「路程唔啱仲識得踢走張單」！

Photo from facebook群組「將軍澳主場」圖片

樓主更在文中讚揚婆婆「有心有力，自食其力，發揮獅子山下香港人精神」，欣賞她「有健康體魄，有得選擇自己該做及喜歡做的事。活在當下，珍惜每一天」。他更指出原來婆婆在所在地區相當有名，更獲得不少街坊尊重：「其實阿婆個朵在將軍澳好響，好多食店職員及物業管理員都畀like佢」。

Photo from 《不能說的故事》劇照

帖文上傳後引來網友熱烈討論，紛紛大讚婆婆：「勁，識手機接單」、「婆婆想賺下收入，比執紙皮多，而且佢係自力更生」、「佢放埋外賣落個車車度，分分鐘仲穩過後生仔，禮貌仲好」、「送過黎我一定比貼士！」。

Photo from 《不能說的故事》劇照

另外更有不少見過婆婆的「熟客」留言：「有一次買嘢食見到呢位婆婆，個職員問佢使唔使幫你放入去，佢話唔使呀，我自己搞得掂，而且有3單要送，我好欣賞佢」、「佢試過由尚德行過嚟坑口，第一次收外賣覺得愧疚，但見到佢咁精神都係多謝」、「收過呢個婆婆嘅外賣，好有交帶，到樓下打電話畀我話佢就到，都好有禮貌」等。

Photo from 《白日夢外送王》劇照

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）