MIRROR受邀擔正拍韓國觀光節目 旅行社開過萬元同款打卡團 官方：目標係高消費年輕人！

韓國韓聯社日前報導，指韓國觀光公社邀請了MIRROR擔正出演旅遊特輯《呂濤米Lo Seoul》推廣韓國景點。而同時就有旅行社開團推出《呂濤米Lo Seoul》同款打卡團，6天旅行團開價過萬元，引起網友熱烈討論！

Photo from Facebook@MIRROR

韓國觀光公社早前邀請了MIRROR四位成員，包括：呂爵安（Edan）、姜濤、李駿傑（Jeremy ）以及盧瀚霆（Anson Lo）拍攝旅遊特輯《呂濤米Lo Seoul》，介紹韓國漢江公園便利店、望遠市場等可以體驗當地日常生活的「親民」景點，以及人氣綜藝節目《黑白大廚》中有份參與廚師的所屬餐廳等韓國旅遊景點，希望能吸引更多香港遊客訪韓。

Photo from 節目圖片

《呂濤米Lo Seoul》定於5月5至23日於ViuTV播出，而當局亦有提到這次宣傳目標是旅遊消費傾向較高的年輕人。見此有旅行社立刻開團，以「呂濤米Lo Seoul跟住遊豪華美食六天」作招徠，推出價值$13880港幣的同款6天團行程，供各位粉絲可以跟住偶像去韓國打卡。

Photo from 網上圖片

不過消息一出就引起熱議，雖然有不少鏡粉都表示心郁，儘管沒有偶像同行亦想體驗偶像同款行程。但同時亦有網友提出質疑：「咁貴去韓國，唔知真係有無人會參加？」、「韓國被誤導咗，以為MIRROR真係香港頂流揾佢地吸客，仲夠膽收咁貴，真以為香港人傻的嗎？」、「講真...真正的年輕人唔會高花費喺行程度，反而係在美容或追星上吧 」等。

Photo from 節目圖片

Photo from 節目圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）