Edan繼續落力護「女友」開口叫Hater勿再攻擊林明禎：好想保護佢！

MIRROR成員呂爵安(Edan)日前深夜開Live與粉絲盡訴心聲，期間更提起緋聞女友林明禎，表示林明禎「係一個好好女仔，佢係我身邊好重要嘅人」疑似確認女方地位！昨日（23日）他出席小組團綜節目《呂濤米Lo Seoul》活動時，就在被傳媒問及此事，而他就繼續落力護「女友」，更開口叫Hater勿再攻擊林明禎！

前情：Edan深夜開Live力證林明禎地位：佢係我身邊重要嘅人！網友話估唔到係「戀愛腦」

Photo from Youtube@ViuTV

Photo from Youtube@ViuTV

呂爵安(Edan)昨日（23日）聯同姜濤、李駿傑（Jeremy）和盧瀚霆（Anson Lo）一同出席小組團綜節目《呂濤米Lo Seoul》活動。接受訪問期間，Edan就被問到早前深宵開Live與爵屎打開心扉談緋聞女友林明禎一事，對此Edan就表示自己有段時間經歷好多，發覺失去自我：「唔見咗以前嘅自己，所以依家想搵番以前輕鬆嘅自己，趁機打開自己，所以開live，呢個係我同爵屎嘅傳統。」更指當下想專注自己，和愛自己的人，不想再避忌，而與爵屎傾完後整個人亦輕鬆了許多。

Photo from Youtube@ViuTV

Photo from Youtube@ViuTV

至於被問到有在直播中提及林明禎是他身邊重要的人，Edan就指：「我知大家一定會集中呢個Point，趁今次機會講一次，以後唔會再講，自從我公開追林明禎後，佢受到好多攻擊，好多惡意聲音，完全明白佢感受，一個女仔承受唔簡單，係因為我先有呢件事發生，我一直想做啲嘢去保護佢，但因為我驚，所以避而不談，但就引起誤會，無論我講乜都有人鬧，不如我做一件覺得啱嘅事，所以講畀大家知，佢係好好嘅女仔，對我來講好重要，我唔開心時佢幫我好多。」

Photo from IG圖片

Photo from IG圖片

其後Edan亦再被問到是否正式公開戀情，不過Edan回答就仍然耐人尋味：「大家畀啲空間我，我對佢好認真，好想保護佢。」，更強調向粉絲分享是想「起碼愛我嘅人知呢件事，唔好再攻擊佢（林），希望爵屎明白我諗緊咩，我無奢望立時有咩改變，但起碼表明我立場先。」。

Photo from IG圖片

Photo from IG圖片

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）