謝霆鋒被爆舊日成日蒲機舖前師弟張致恒證實揭「霸氣」真相？！

By Macy Sun on 30 Apr 2025

Digital Editor

謝霆鋒一連四場《Evolution Nic Live進化演唱會》日前完滿結束，不少有入場睇騷的觀眾騷後都表示回憶翻曬嚟！而近日霆鋒又再次成為社交平台熱話，有網友爆料指舊日曾經常見到霆鋒蒲灣仔某機舖，消息其後更是被霆鋒前師弟張致恒證實？！

Photo from IG@chefnicookies

日前有網友在Threads上發帖，透露自己以前常常在機舖撞到霆鋒：「以前返灣仔英皇果（嗰）頭，對面有間機鋪（舖），lunch 果（嗰）陣就一定落去玩返兩鋪，有時見到霆鋒係（喺）度玩sega部wccf（集換式卡牌街機足球遊戲），好似唔係好多人認到佢，有冇手足都見過佢玩？」

Photo from Threads圖片

Photo from IG@chefnicookies

帖文一出馬上引起網友討論，有不少網友都表示的確有撞過霆鋒：「有啊，當年我基本上日日都會過去玩，成日都撞到佢」、「有，同梁漢文一齊玩，我攞咗謝霆鋒簽名」、「唔係唔認得，係見慣見熟」等。其後帖文更是引來霆鋒英皇前同門師弟張致恒回覆，爆料指：「跟住佢成部買咗返屋企」，透露霆鋒鐘意到將街機買返屋企玩，相當霸氣！

Photo from IG圖片

而據知霆鋒得確是圈中出名的機迷，過往他就曾在訪問中自爆曾跟王晶一邊打機一邊傾劇本，而場地就正是該網民所講的機舖：「我以前去得最多嘅一間機舖喺灣仔英皇道對面，嗰時打足球game，晶哥要嚟搵我，擺一袋遊戲卡喺度，當時我哋一路打機一路傾劇本，但我哋對眼係一路望住個mon，隻手不停㩒掣，嗰陣時我哋係咁樣傾劇本㗎！」此外，霆鋒亦曾自爆入行後仍會去深水埗黃金商場買Game，最愛就是RPG game，更曾向母親狄波拉表示若不是入了行做藝人，會向電競方面發展。