姜濤玩過山車受驚過度入醫療室 嚇到面青要缺席拍攝 「姜糖」轟節目組收買人命！

MIRROR「妹豬組」成員姜濤﹑呂爵安（Edan）﹑盧瀚霆（Anson Lo）和李駿傑（Jeremy）於韓國拍攝的團綜《呂濤米Lo Seoul》，日前第7集4子前往樂天世界挑戰極度刺激的機動遊戲。然而在玩完過山車後，姜濤竟因受驚過度要入醫療室，慘要缺席拍攝，節目出街後事件亦受盡「姜糖」批評，怒轟節目組收買人命，引起討論！

Photo from ViuTv圖片

Photo from ViuTv圖片

《呂濤米Lo Seoul》節目第7集中，講到姜濤﹑呂爵安（Edan）﹑盧瀚霆（Anson Lo）和李駿傑（Jeremy）4子要一同前往韓國樂天世界遊樂場挑戰刺激的機動遊戲。而在出發前開會，當知道要玩機動遊戲時出名易暈的姜濤，就已要求節目組安排不要太高及太大離心力的遊戲，並說：「我求吓你呀！放過我，人生已經歷好多高高低低，你又何苦要我喺機動遊戲上面經歷呢啲，可能我上到去落唔返嚟就唔係幾好啦！」就連經理人花姐亦有幫口，指他平時坐車都會暈車浪及嘔。

Photo from ViuTv圖片

Photo from ViuTv圖片

其後到達遊樂場，姜濤未玩便已驚到面青，不過亦表示願意嘗試：「我試吓玩啦！如果我玩完呢個真係唔得，跳樓機嗰啲可唔可以唔玩？我驚我會嘔。」而在排隊玩過山車時就見姜濤全程緊緊捉實Jeremy，喊道：「我好驚呀！我想嘔呀！」上到過山車繫上安全帶後，更急叫工作人員幫他Double Check，全程處於驚恐狀態。直到玩完後姜濤就似被嚇壞，停車後面如死灰，令成員相當擔心，而最終姜濤更是要被送到醫療室，停止之後遊樂場拍攝。

Photo from ViuTv圖片

Photo from ViuTv圖片

Photo from ViuTv圖片

Photo from ViuTv圖片

節目播出後一眾「姜糖」反應熱烈，紛紛怒轟節目組收買人命：「佢都話驚上去落唔返嚟，點解係都要逼佢玩？」、「我睇見姜濤果種驚，同離心感，就想起50年前去日本玩（一飛沖天），果種離心感，不但驚，仲扭傷頸。每個人接受能力唔同。」、「其實姜濤應該唔好拍，自己最清楚自己，萬一發生事，真係冇人可憐，嗰間公司一定唔負責，你睇吓阿Mo就知。」、「唔會有觀眾想睇到姜濤痛苦，不知所謂垃圾公司！」而姜濤眼見群情洶湧亦有即時安撫姜糖，於社交動態留言：「Relax」！

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）