林峯演唱會完騷後超寵粉 臨上車因粉絲一句話即折返簽名 網友：抵佢紅咁多年！

林峯一連7場紅館演唱會《Go With The Flow》昨晚（28日）完滿落幕，一班粉絲騷後有在紅館門外停車場位置「接放工」。而昨日網上就瘋傳一段當時的影片，只見林峯打算上車走人之時，因聽到粉絲一句話立刻好不猶豫折返簽名，Sweet爆行為令粉絲大為感動，網友亦讚林峯：抵佢紅咁多年！

林峯演唱會完騷粉絲接放工

Photo from IG@lam_fung_official

Photo from IG@lam_fung_official

昨日（28日）網上瘋傳一段粉絲在林峯演唱會完騷後「接放工」的影片，並留言指：「大癲，本身佢已經上車準備走，跟住聽到我哋呢邊有人大叫三藩市來，聽日就走，跟著佢就落翻車幫佢簽咗隻碟 咁寵粉得唔得咖」

林峯因粉絲一句話即落車

從影片中見當時林峯正準備上車離去，期間粉絲不停尖叫，不過林峯就做手勢表示聽得不太清楚，接著就打算揮手講再見及上車。只是粉絲們就未罷休，當中更有粉絲奮力大叫：「三藩市！」表示自己原來是從三藩市特地回港睇演唱會的。林峯聽後馬上在車上再次探頭問了句：「你三藩市返嚟？」之後馬上落車走向粉絲們，而聽到粉絲大叫「我聽日走喇！」，他便一邊簽名一邊問：「你聽日走喇？」臨走前更說了句：「Safe trip！」，令該位幸運歌迷大為感動，欲哭叫喊：「多謝你呀！」

網友：抵林峯紅咁多年！

Photo from 網上影片截圖

Photo from 網上影片截圖

而帖文上傳後亦引起極大討論，不少網友都大讚林峯親民、超錫粉絲：「不枉鍾意咗十幾年」、「句safe trip真係好暖」、「抵林峯紅咁多年」、「錫粉絲嘅明星值得like」、「林峯真係好錫粉絲，我睇親佢嘅演唱會都見到佢有一part係專登會對住佢Fans Club唱歌，答謝佢哋多年來嘅支持」等。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）