林作疑間接怒踩舊愛麥明詩拍片力撐裕美最善良：邊個蝦佢我幫佢出頭！

By Macy Sun on 06 Jun 2025

Digital Editor

早前就林作母親王莉妮意外公開林作舊愛麥明詩BB正面樣事件，意外扯上裕美令其日前嬲爆受訪怒轟有人「借長輩上位」！而一直對事件保持沉默的林作，日前亦終於現身拍片力撐現任裕美最善良，引起討論！

前情：

裕美怒轟麥明詩「借長輩上位」

Photo from IG@leenililywong

林作母親王莉妮早前意外公開林作舊愛麥明詩BB正面樣，掀起一場洩密風波遭網民狂轟！同時事件亦被外界解讀為王莉妮「恨抱孫」、「好鍾意前度」，間接否定林作現任裕美。就此裕美日前受訪時就報料指，是麥明詩主動聯繫王莉妮認契，更怒轟其做法令人費解，直指麥明詩「借長輩上位」。

林作拍片力撐裕美

View this post on Instagram

A post shared by Jolam 林作 (@jolamchok)

而對於這次「婆媳」及前度風波，一向愛抽水的林作就一反常態保持沉默。直到昨日（5日）突然在社交平台上傳短片大喊力撐裕美，更讚女友人格最善良真誠：「裕美從來都係最善良、最真誠、講真說話，唔理其他嘢嘅人，佢係我見過呢世人，唔係講笑，我認識朋友裡面，最真正善良、愛心、善良，我見過係最一等一嘅，我撐裕美，邊個蝦佢我都會替佢出頭。」，疑似是在暗踩麥明詩人格？！