65歲爛賭母親陷黃昏戀 拍拖半年即閃婚 女兒憂母被騙：我可以點做？

愛情從來不分年紀～然而近日卻有一名女網友在網上大呻家事，指其65歲的爛賭母親正在談一場黃昏戀，與一位上海人拍拖半年後即擬第3次結婚！得知消息後她十分無奈，於是決定出Po發洩力數母親過往的種種不是，並無助地向網民發問「請問我可以點做？」，引起討論！

網友大呻爛賭母親陷黃昏戀

Photo from 《忘了浪漫，記得你》劇照

Photo from 香港討論區 截圖

女網友日前在網上討論區以「有個生活同感情生活一團糟的媽咪」為題發文大呻家事，指現年65歲母親在其4歲時與父親離婚，之後把樓主託交予珠海婆婆照顧，其後便又與另一個男人重組家庭生下一名兒子。然而近年母親又再離婚，並在最近告訴樓主打算再與一位拍拖半年的上海男人結婚：「佢噚晚突然同我講：準備同另一個識咗唔知有無半年嘅上海男人結婚，個男人同佢一樣都結過兩次婚，離過兩次婚，仲話結婚後有名份先見我哋同其他屋企人，我媽咪宜家同嗰個男人同男人嘅香港屋企人一齊住，因為有啲手續，佢話最快11／6就結婚（需要咁急咩？唔明點解婚前唔見得人）」。樓主亦補充，「我媽咪無錢比人呃（不過我總覺得唔單純），但媽咪唔聽勸」，並向網民救助「請問我可以點做？」。

樓主力數母親不是

Photo from 劇照

另外樓主在文中亦有透露自己家庭背景，力數母親的不是：「媽咪有好多奇怪嘢，好固執，鍾意賭錢。記得我細個，有次要做手術，手術完後，出嚟只見我婆婆同姨媽，原來我媽咪去咗澳門賭錢，根本無將我放喺心。」樓主更指有一次母親以死相迫向她借錢還賭債，當時她心軟取出積蓄為母親還債，只是後來才知道原來母親是拿了她婆婆的遺產賭清光，令她自此對母親心淡。事件過後樓主亦指母親有再向她以及樓主丈夫致電要求幫忙還債，而逼於無奈下樓主亦有幫忙，只是亦表示相當無助：「其實我真係好驚收到佢電話，好似次次都有嘢要幫佢執手尾咁，但係佢又唔聽人勸，我都唔知可以點？」。

網友：搵長期飯票 你應該恭喜佢！

Photo from 劇照

Photo from 《忘了浪漫，記得你》劇照

帖文上傳後，就有不少網友細心開解樓主，並提出建議：「天要下雨，娘要嫁人，你可以做得啲乜嘢」、「搵長期飯票。你應該恭喜佢」、「再婚仲好喇，佢可靠新一個，遠離你哋」、「佢要結婚，你又阻唔到，由得佢囉，下次欠債有佢老公孭了」。更有網友笑言「係你媽咪呃緊人錢」、「似乎係你媽呃人」，而樓主亦有回應稱「都有機會係，都真係有可能」。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）