歐陽萬成棟篤笑9成英文惹不滿觀眾批唔講廣東話冇誠意：都唔知佢噏乜！

By Macy Sun on 17 Jun 2025

Digital Editor

港產荷里活演員歐陽萬成（Jimmy O Yang）日前在紅館舉行一連五場棟篤笑演出「Jimmy O Yang Live in Hong Kong」，掀起搶飛熱潮一票難求。然而騷後卻有網友在社交平台上吐苦水，大呻歐陽萬成演出內容以英語為主，全程甚少講廣東話演出欠缺誠意，引來兩極化意見！

歐陽萬成港產背景惹關注

Photo from IG圖片

現年38歲的歐陽萬成（Jimmy）是一位美籍華裔演員，憑美劇《Silicon Valley》、電影《我的超豪男友》等作品而為人熟悉，其後他更是憑棟篤笑紅遍國際，在IG坐擁246萬粉絲。然而雖然他是美籍華裔演員，但Jimmy其實於香港出生及長大，更曾就讀名校香港華仁書院，因此其親切的背景亦讓不少港人對他今次香港場棟篤笑演出抱期待！

網友不滿歐陽萬成唔講廣東話

Photo from Threads圖片

Photo from IG圖片

只是早前卻有觀眾看完歐陽萬成香港場演出後，卻在threads發文表達不滿指：「頭先啱啱睇完歐陽萬成，都唔知佢噏乜，淨係聽得明少少，好心佢嚟香港就準備多啲廣東話啦，一啲誠意都冇。我同成班friend幾經辛苦先搶到飛，點知入到去全部講英文，我哋成班睇完都拗晒頭，但係又要扮明，人哋笑自己又跟住笑，好辛苦，有冇人明？」

歐陽萬成提Tiktok、小紅書港人零共鳴？！

Photo from IG圖片

帖文上傳後隨即引起網民轉載及評論，有網友表示理解樓主感受，指出演出部分笑點的確與港人日常生活欠缺共鳴，例如歐陽萬成提及香港無法使用的Tiktok及近期其非常活躍使用的小紅書時，場內反應就比較冷淡：「10%英文聽唔明，10% get唔到個笑點，尤其是Tiktok 小红書」、「講小紅書好odd（奇怪）」、「講小紅書，全場靜晒」等。

網友力撐歐陽萬成

Photo from IG圖片

不過就有更大部分網友力撐歐陽萬成，為其辯護稱他這次演出為迎合香港觀眾已作調整：「Jimmy英文的口音、用字及語速都明顯迎合了香港觀眾，基本上有受過英文教育的人都能聽懂95%」、「Jimmy 咬字真係好清晰又易聽」。更有網友指出宣傳海報有寫上「English, seasoned with Cantonese」字眼，批評到：「唔怪得買唔到飛」、「又一次證明香港人淨係識跟風…」、「學好啲英文啦，喺度怪人哋」、「學好啲英文先睇」等。