商台PA蔓兒突遭即日解僱 公開被炒原因與盧覓雪無關 打工7年人工仍是X字頭？！
叱咤903節目《在晴朗的一天出發》任幕後的商台PA蔓兒，在商台工作7年，上星期突然收到解僱通知被即日解僱。而由於蔓兒被解僱的前一日，正是節目主持盧覓雪爆出惹火言論，指姜濤墮海事件「智商有問題」的翌日，因此惹來外界紛紛猜測兩事相關。不過蔓兒近日透過IG直播親自還原事件來龍去脈，澄清兩事並無關連，更公開商台炒人真正理由！
蔓兒遭商台即日解僱惹猜測
View this post on Instagram
蔓兒效力叱咤903長達七年，近年為《在晴朗的一天出發》擔任幕後工作，然而日前蔓兒就在IG自爆上周上班時突然被通知即時解僱：「蔓兒失業了！上星期五原以為又係尋常嘅工作天，結果變咗last day～」然而由於蔓兒被解僱前一日，正是盧覓雪在節目上評論姜濤墮海事件並說「智商有問題」的翌日，因此就惹來網友揣測蔓兒被炒一事或許與盧覓雪事件有關。
蔓兒澄清被炒與盧覓雪無關
View this post on Instagram
不過事後蔓兒就有開IG 直播為事件開腔，她多次表示自己被炒與盧覓雪一事無關：「其實嗰啲說法都係講嗰啲人力資源調配嘅問題，我再講一次，唔關上星期《晴朗》發生嘅事，大家都係被動嘅一方，同埋我都約咗佢哋食飯，所以冇嘢。」其後她更是有在IG貼上與《晴朗》監製張部長、盧覓雪和阮子健食飯的相片，力證與「舊同事」關係如常，並無內部矛盾。
蔓兒透露商台人工非常低
Photo from IG@hahamanyu
Photo from IG@hahamanyu
另外蔓兒亦有談到收大信封經過，指自己當日如常做節目，卻突然獲二台秘書通知說「校長」找她已心知不妙，當收到「大信封」發現原來沒有信封，只得一張紙及兩張支票，她說：「長期服務、即日通知及補一個月薪金，啲數好和味，當時有啲sad，但只要你望一望兩張cheque，雖然我喺商台嘅人工真係非常低，但係當你乘以咁上下年份，再加呢樣嗰樣，其實都係唔錯嘅。」而蔓兒就有補充指她在商台工作七年，人工仍在「一字頭」，又指就算工作十年的幕後同事，人工大多亦不過二字頭。
Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
