糖廠街最新美食市集！放假要食好西～帶大家食勻呢個週日美食市集啦！

By 123testing on 04 Nov 2017

番工咁辛苦～一放假就想同朋友周圍去玩！想去嘆杯咖啡，想搵下好西～小編有個週日市集要介紹比你地！係鰂魚涌嘅太古坊糖廠街就有個美食市集強勢回歸，係呢個11月佢地主題係「咖啡節」，請左城內多間有名嘅咖啡店、甚至係台灣遠道而黎嘅咖啡師黎參加，鍾意咖啡嘅你又點可以錯過啊！

仲唔止啊～呢個市集仲美食一鑼鑼，有成18個創意食檔嫁！最重要的是呢個市集係免費入場嫁！放假想食好西嘅你快啲拉埋朋友仔一齊去啦～
Photo from Presslogic

太古糖廠街呢個市集，除左可以嘆到美食之外！仲以流動美食黎去佈置成個市集～先有超搶眼嘅改裝熱狗巴，入面擺放左幾個攤檔，而上層呢就可以比大家上去好chill咁嘆美食～上面仲會不定期會舉行唔同嘅互動工作坊，例如咖啡拉花、咖啡欣賞學等等～實行又有野食又可以影相又有得玩！Photo from Presslogic

Photo from Presslogic

究竟呢個市集有咩好野食，等為食小編帶大家一齊食勻成個市集～

Fresco Dal Mercato
去過Wine & Dine嘅朋友應該唔會陌生喇～佢地嘅霸氣龍蝦包係場內係賣到斷哂貨！所以之前食唔到嘅朋友一定要mark實佢地擺檔嘅幾日黎食番個夠啊～霸氣龍蝦包係用左剛剛烘熱嘅迷你菠蘿包夾住龍蝦肉、同松露生菜沙律～首先個菠蘿包已經整到外脆內軟，再塞入滿滿滲透住松露香嘅啖啖龍蝦肉！真係好食到番唔到轉頭啊！Photo from Presslogic

Photo from Presslogic

Chef Tiff's Kitchen電音實驗廚房
連人氣抹茶IG shop都有參加啊～除左抹茶流心牛角包同焙茶scone之外，仲有首度亮相嘅自家茶燻咸蛋黃流心牛角包～真係超爆漿超滿足啊～出面係烘焙到脆脆帶層層鬆脆口感嘅牛角包，中間係超級流心嘅漿，入面真係食到咸蛋黃味～有鹹香嘅牛角包都係第一次試，但真係意想不到嘅惹味啊！
Photo from Presslogic

Photo from Presslogic

Honbo
係灣仔開業半年已經變成左人氣店，今次亦會係場內擺檔啊！佢地係首自家烤焗鬆軟薯仔牛奶包！佢地整burger嘅個陣，真係令到成個area都充滿住肉香味！除左Cheese Burger係必嗌之選～小編都忍唔住再叫個Vegan Burger，個sauce帶微辣有少少酸甜咁～而個牛奶包真係透出陣陣奶香，嗚！好幸福啊～Photo from Presslogic

Photo from Presslogic

家香KASA
為大家帶黎佢地自製嘅果jam，有自製純花生嘅花生醬，味道真係超級濃郁好香口！除此之外仲有Coffee Jam同Red Wine Fig Jam，包你係出面未試過啊～除此之外仲有呢個市集限定嘅Turbo Gin Tonic係將咖啡浸泡左嘅琴酒加入Tonic，飲落好清新好好味嫁！Photo from Presslogic

Photo from Presslogic

Mavericks
佢地係係貝澳泳灘旁嘅一間餐廳黎，黎到呢度都可以好嘆咁飲個椰青、食個佢地自家製嘅12小時胡桃木煙燻牛胸肉漢堡，食落真係超好味啊，牛胸肉有陣陣煙燻嘅香味，我諗真係隔住個mon都聞到啊！而且佢地仲有自家製嘅煙三文魚沙律，個sauce酸酸甜甜咁，加埋隻蛋真係perfect池～
Photo from Presslogic

Heroes Beer Co.
難得週末當然要chill下啤啤佢啦！有本地手工啤牌子，佢地係以身邊嘅人去做構思新啤酒嘅創作來源，每個人都有佢地自己嘅超能力，實行帶出人人飲左佢地嘅啤酒都可以做英雄～而市集內仲有佢地用日本嘅威士忌加入自家製啤酒整成嘅Super Cuber！酒中透出橙香味，好特別嫁！
Photo from Presslogic