宣萱罕談情史自爆曾做小三 認對男人有戒心：我會驚然後即刻縮！

現年55歲的宣萱去年人氣再度急升，除演技備受肯定外，又進駐Threads跟網民互動，粉絲網羅老中青三代！而近期她就有與古天樂四處宣傳《尋秦記》電影版，並在日前接受前雜誌編輯金成訪問罕有提及感情問題，大爆曾誤做小三？！

宣萱拍拖會變柔弱小女人？

宣萱入行多年較為人熟知的戀情，不得不提其與張衛健的兩年情，而其後她亦有與富商榮文瀚、牙醫陳建緯及外籍獸醫Ruan等拍拖，惟可惜最終都未能走到最後。宣萱在訪問中就表示，原來不少朋友都指她於工作上原則性強，但拍拖時就完全不同：「有啲朋友都笑我，你做嘢好『行』，原則唔變唔郁，但係一拍拖就會郁。」

宣萱自爆曾做小三

Photo from 影片截圖

Photo from 影片截圖

其後宣萱又自爆過往拍拖不快經歷，有次更曾誤當小三，她透露早期有一位男朋友，大家情投意合，但就因為第三者問題而分開，指自己第一個男朋友因太愛前女友，故當該位前度回頭時，宣萱跟男友亦宣布分手，更慘是曾做小三：「當時好細個，有一日發現自己原來先係第三者。當時我啲大學同學，話畀我聽個男仔原來一早有女朋友，嗰陣真係情天霹靂」。

宣萱認對男人有戒心

Photo from IG圖片

Photo from IG圖片

經該次經歷宣萱就表示只能怪自己傻與人無尤，但此後她對男人已存有戒心：「會小心好多，但係又冇真係影響到我唔想拍拖，只不過你再識到嘅時候，你會留意多少少，但係唔多唔少一定有啲影響，你一sense到佢做咗啲嘢同嗰個人好似，我會驚，會即刻縮。」雖然如此宣萱又表示仍相信世上是有命中註定的人存在，至於未來男友會是華人或外國人會比較適合，她就指無論是哪個種族的人，如果是不對的人就總有某方面不適合，所以不會計較種族。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）