【專欄分享：Mavis】文青必去石硤尾cafe 隱藏屋村裏嘅一個藝術角落 仲唔係去打卡！？

位於舊區石硤尾白田村中間嘅石硤尾賽馬會創意藝術中心，係一眾文青必去朝聖的熱點。今次介紹一下中心入面充滿咖啡藝術嘅精品咖啡店-琉金穗月Cafe Golden。

Cafe位於中心嘅一個寧靜角落，店內裝飾懷舊復古，有種令人想逗留片刻嘅衝動。我去嘅當日就有客人坐係一邊睇書，環境安靜又舒服。

店內咖啡選用優質埃塞俄比亞拼配咖啡豆，加入60-65度奶泡後，無論係香氣上同味道上都帶住豐富濃厚嘅口感，順滑細緻，仲有女士大愛的拉花圖案呀～

Cafe Latte $34 意式鮮奶咖啡
（咖啡供應時間至下午六時半)
如對咖啡有興趣，呢度有好多唔同的咖啡，可以問問店內咖啡師，佢地都好樂意介紹同分享呀～

除左精品咖啡出色外，店內仲有意粉，甜品同其他特色飲品。晚市正餐前菜係黑醋parma ham沙律，超好食！
黑醋酸度好開胃，可以中和左parma ham嘅鹹味,好想叫refill（掩眼）！

*雜菌配黑松露忌廉汁意粉 $88
忌廉同黑松露好夾，奶香十足，意粉硬度又岩岩好！必食呀??

*龍蝦汁帶子蟹肉意粉 $108
帶子先煎出香味，加上好香濃嘅龍蝦汁，配埋蟹肉真係好好味！又係必食!問過店員，原來呢兩個意粉都係最多人叫，我果然好有眼光!

*富士山 $44
超可愛嘅外表！原來係熱豆乳加碟豆花，呢隻babyblue真係好靚（心心眼），selfie必叫! 天氣轉涼飲落去真係好舒服~ 另加糖水等客人自己可以調節甜度, 好貼心！

*Starry Night $44
又係另一個碟豆花飲品，其實係蜜糖檸檬honey lemonade，紫色同黃色不嬲係Perfect match, 加上杯蜜糖檸檬好滋潤，又係必點呀!

食完正餐梗係要食下甜品啦！

*招牌雞蛋仔甜品 $68
我揀咗抹茶味雞蛋仔配紅豆再配豆腐雪糕，雞蛋仔比我想像中做得脆喎！呢款抹茶味雞蛋仔個種抹茶香氣同回甘真係唔錯，值得一試！加上配襯又大粒又甜嘅紅豆，完全滿足到我呀，豆腐雪糕又好驚喜, 呃like必食呀！