希臘邁泰奧拉～現實版天空之城！好夢幻啊～～

希臘嘅愛琴海就聽得多～不過原來仲有另外一個地方都好受歡迎架～
呢個就係希臘嘅一個古城「邁泰奧拉」（Meteora）啦！「邁泰奧拉」亦都有「懸浮的石頭」嘅意思。
「邁泰奧拉」係位於希臘中部色薩利（Thessaly）平原上嘅山巒小鎮，主要係一堆修道院建築群，好多都係懸崖峭壁上面，睇落就好像浮左出黎咁！

Photo from Instagram

可惜香港無直航去希臘，最少都要轉一程機先可以去到首都雅典！如果持香港特區護照及BNO人士，免簽證可停留希臘三個月，護照最少有效六個月～
由雅典機場去天空之城來回大約都要十幾個鐘嘅車程，不過為左靚境都無乜所謂啦～

Photo from Instagram

不過由雅典去天空之城嘅火車一日只有一班，如果你錯過左，就要第日再去啦～

Photo from Instagram

山下面有兩個小鎮，分別係Kalabaka同Kastraki，當中Kalabaka比較多人同熱鬧，所以唔少遊客都會選擇住呢度～
由Kalabaka上去大概十幾分鐘車程就到架啦～

Photo from Instagram

十四世紀嘅時候，當時修士為咗躲避土耳其回教嘅迫害而係呢啲山峰上修行同埋興建修道院，全盛時期係有廿幾座修道院咁多架～
不過依家山上面只有六座修道院係開放參觀。

Photo from Instagram

一座座建築係山同雲之間穿出黎，真係好似浮左係度咁！
當中最大嘅修道院就係Holy Monastery of Great Meteoron，海拔613米，外面睇落真係好宏偉！
裏面仲有博物館、釀酒坊、教堂、露台等等都可以參觀～

Photo from Instagram

而且果度仲有一個觀景台，可以飽覽全景，非常壯觀！不過如果你有畏高就要小心啲啦～
入去嘅衣飾都要莊重，如果露肩或者短褲等等都唔入得架！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載