天荒地老流連在White Button～新出摩天輪下午茶 x 本地漫畫家POOKIE！營造一個馬戲團超歡欣氣氛啊～

最近成日比呢間係尖沙咀樓上cafe嘅梳乎厘奄列洗版～除左呢個少女必愛嘅奄列之外，當然唔少得一個少女心滿滿嘅afternoon tea啦～依家仲岩岩換左新佈置，同左本地插畫家POOKIE合作，成間cafe都好多打卡位～等小編同你一齊睇睇啦！

Photo from Presslogic
White Button Cafe最新係11月底推出嘅afternoon tea set係新鮮滾熱辣嫁～用左POOKIE一直以來係筆下嘅公仔帶出歡樂嘅風格營造出呢個馬戲團主題嘅下午茶～淨係見到都覺得好開心！

原來POOKIE係從小已經好鍾意馬戲團嫁喇！因為未親身睇過，所以一直想將夢想中馬戲團嘅世界勾畫出黎～Photo from Presslogic

而且店入面仲大幅度地改變左入面嘅裝飾，佈置到直情好似成個馬戲團咁，而當中都用左唔少係俄羅斯特有建築風格去設計！中間仲有個檯仔比你地可以同朋友仔打卡嫁！Photo from Presslogic

一拎出黎就深深咁比個摩天輪吸引左，摩天輪上面分別裝住4款唔同嘅鹹食，有爆谷小丸雞、迷你小漢堡、美式薯角同蜂蜜法蘭克福腸。Photo from Presslogic

Photo from Presslogic

爆谷小丸雞
小編最愛一定係呢個爆谷小丸雞～係出面好少見過，係超佐酒嘅小食啊～其實同爆谷蝦做法相類似～出面個層薄脆好香脆可口，而入面雞肉仍然保留到juicy嘅感覺！Photo from Presslogic

迷你小漢堡
千祈唔可以睇小呢個迷你小漢堡，本身試過好多小漢堡個舊漢堡扒都會略乾。而呢個厚身之餘咬開仲肉汁滿溢，而且肉質係幾嫩滑～鍾意呢個帶微脆嘅麵包，食落會香啲滋味啲～Photo from Presslogic

蜂蜜法蘭克福腸
另外有比濃濃蜂蜜包圍住嘅法蘭克福腸～甜甜地真係好好味啊！

美式薯角
薯角就如果再香脆啲就更好，不過調味好好，唔會太鹹幾惹味！Photo from Presslogic

而用呢個圓圓嘅盤裝住嘅就係甜點喇～好似遊樂場入面嘅氹氹轉啊！甜點一共有5款，款款都係一口嘅size好精緻～Photo from Presslogic

Photo from Presslogic

包括有藍柑寒天、焦糖爆谷慕絲、野莓法式泡芙、士多啤梨拿破崙同埋柚子檸檬撻，因為每款都用左少少水果同酸甜嘅元素去做配搭，所以甜得·黎又唔會太膩，岩哂下午茶時間去tea一tea～～Photo from Presslogic

另外仲可以任選menu上面嘅兩杯飲品！

水晶球
見到個樣就覺得一定要嗌～有四款口味可以揀，荔枝玫瑰、青蘋果、柚子藍碟花同芒果水蜜桃～用左球狀黎去裝住啲野飲～真係第一次見啊！飲要扭開底部嘅樽蓋再放係波波底部黎飲～飲落有清甜水果味，可以隨便跟喜好去揀飲咩味！

Photo from Presslogic

POOKIE Dream - 馬戲團主題tea set
供應時間：2017年12月4號起 星期一至日 14:00～18:00

White Button Cafe & Dessert
地址：尖沙咀亞士厘道23號雅士利中心12樓
電話：2372 9998
營業時間：星期一至日 12:00-22:00

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載