一生人總要去看一次！港人分享 親身看西甲賽事感受

西班牙對於香港人來講可能好遙遠，但對於球迷來講，可能會熟悉D。一班來自香港的球迷，因為於Now TV的遊戲中勝出，獲得機會遠赴西班牙當地睇西甲足球！到底感覺會點呢？

賽事喺當地晚上開始，香港時間為凌晨3:30，賽事係切爾達vs.皇馬，雖然切爾達球隊大家未必識，但係皇家馬德里就相信人人知曉，小編都好緊張想快D睇到呢場頂級賽事呀。

親身睇西甲最大的分別當然係見球星的機會啦，當日球賽開始前，已經早早有好多球迷聚集喺球場外面接車，希望見到球星的一面，小編有幸見到皇馬的專車！呢個福利我諗只有去外國睇波先有喇。

當日大家最熟悉的C朗都有出場，搵唔搵佢的身影呢？

同喺香港睇波唔同，西班牙人對足球的熱愛絕對濃烈得多，Vigo主場的球迷當然會支持返所屬的切爾達啦！

每入一球或有犯規情況發生，主場球迷都會唱晒會歌、舉毛巾等，拍手為球隊打氣，氣氛high爆！！

是次參加體驗之旅的港人，就分享左佢哋的感受，佢地表示第一次到非香港球場睇，覺得氣氛好正，主場氣勢超犀利。球迷的吶喊聲都好強勁，帶動到本身非西甲同切爾達球迷的佢哋，都忍唔住要為切爾達打氣，令佢哋非常滿意今次行程。

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載