新年重播重播再重播 巴黎鐵塔反轉再反轉無限次到識背嘅賀歲片

又到咗一年一度重溫賀歲片嘅時刻喇！每年過年，打開電視除咗有啲賀年節目，同電視綜藝節目重播，必定會有睇咗無限咁多次，調轉都背到出黎嘅經典賀歲片，而呢啲賀歲片可以話係香港嘅經典啊。一齊睇下你又睇過未？

1.家有囍事1992 - 乜又係你啊陳生？

無論電視、網上定係小編搭飛機都見到佢嘅蹤影，留意返，係1992年嗰套。即係由張國榮、周星馳、黃百鳴、張曼玉、吳君如、毛舜筠等等飾演，簡直係無可取代嘅經典。星爺嘅電影，對白真係句句經典，就好似...
有幕講星爺患咗「無定向喪心病狂間歇性全身機能失調症」，所以一路重複講「邊個淫蕩啊？我淫蕩。」，一路自記打自己。

Photo from YouTube截圖

仲有星爺同張曼玉「巴黎鐵塔反轉再反轉」嘅嘴嘴方式。

Photo from YouTube截圖

仲有吳君如句經典「喂又係你啊陳生？」

Photo from YouTube截圖

好多經典對白都成為咗港人係平常對話間，講笑會講嘅用語。

2.逃學威龍3之龍過雞年 - 用腳食麵

Photo from YouTube截圖

星爺為咗查案而扮演樣貌同自己好相似，梅豔芳過世嘅老公。雖然未必及頭兩集好睇，但係入面嘅經典場面，都好搞笑㗎。好似星爺用腳食麵

Photo from YouTube截圖

同梅豔芳扮學生坐喺床邊

Photo from YouTube截圖

3.大話西遊之月光寶盒 - 我希望係一萬年
又一套經典賀歲片，當中有一段星爺講嘅對白，我諗無邊個人未聽過～譽為最完美嘅大話「曾經有一份至真嘅愛情擺喺我面前，我無珍惜，到無咗嘅時候先至後悔莫及，塵世間最痛苦莫過於此...如果個天可以俾我返轉頭嘅話，我會同個女仔講三個字，我愛妳。如過係都要喺呢份愛加上一個期限，我希望係一萬年。」

Photo from YouTube截圖

4.行運一條龍 - 年初四咁樣

Photo from YouTube截圖

「年初四，假又放完、錢又洗晒、工又要返，點會好樣呢……」，長氣！簡單用五隻字「年初四咁樣」講完！

5.嚦咕嚦咕新年財 - 人品好牌品自然好
又一套大卡司，由劉德華、劉青雲、古天樂、梁詠琪主演，講打麻雀嘅一套賀歲片。當中出咗唔少經典金句，教你點樣打牌，點樣做人㗎！好似超經典嘅「人品好，牌品自然好」咁喇

Photo from YouTube截圖

「爛牌有爛牌嘅打法」、「麻雀回來必有因，留住先」

Photo from YouTube截圖

「越爛嘅牌就要越俾心機打，發爛渣無用嘅」

Photo from YouTube截圖

知道未啊！

6.喜劇之王 - 精神啲，臨時演員都係演員嚟！

講星爺扮導演roll機，但覺得班臨演唔夠專業就突然停機，同班老臨講「精神啲，臨時演員都係演員嚟！」

Photo from YouTube截圖

之後真·副導演過黎拉開佢，星爺自稱係演員，副導演就大嗌「霞姨！呢個邊個黎㗎？」（霞姨係負責喺片場統籌工作同分派膳食），霞姨就答：「茄哩啡囉」。自此之後，「霞姨」呢個term就瘋狂俾人用黎笑人喇～

Photo from YouTube截圖

小編打到呢度都想即刻重溫返！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載