便便唔暢通搞邊科！5 種高纖通便食物～食完便便暢通！

都市人經常食三餐唔定時，又唔係個個可以每日八杯水，好多時都會搞到便便唔暢順～不過唔洗擔心！小編揀咗5種高纖食物～食完便便暢通，咁就唔洗成日肚凸凸啦！

食物纖維可以剌激結腸腸壁，加速腸道嘅蠕動～咁先至可以令到便便暢通，減小便秘、痔瘡嘅問題惡化同出現～食物纖維仲好處多多～可以幫到膽固醇同脂肪排出體外～有助降低血入面膽固醇膽預防心臟病～

近年大熱嘅超級食物奇亞籽，每100g入面就含有38g嘅膳食纖維，是優質嘅纖維來源，奇亞籽基本上可以完整咁通過消化道，大大咁增加咗飽足感，幫助形成便便。

Photo from Presslogic

膳食纖維最高嘅生果原來係牛油果！同樣都係大熱食材嘅牛油果經常被誤解太多脂肪～但其實牛油果嘅不飽和脂肪酸！食落健康又夠晒飽肚～纖維幫助保持體內消化功能系統正常，預防便秘～

Photo from pinterest

南瓜入面嘅果膠可以保護胃腸道黏膜，南瓜所含有嘅成分能促進膽汁分泌，加強胃腸蠕動，幫助食物消化！

Photo from pinterest

番薯含有豐富嘅纖維素，可以幫助消化同預防便秘！番薯嘅纖維可以加快胃腸道蠕動，從而增加飽腹感，便便排出，就縮短咗有害物質係腸道內停留嘅時間，有排毒效果，難怪咁多人減肥都食佢啦！

Photo from Presslogic

豆類嘅食物都有好多選擇㗎～毛豆即係日本菜常見嘅枝豆～其實一杯都已經有8.6克纖維，小編經常都煮熟放涼當小食咁～健康得嚟仲好好味添～

Photo from pinterest

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載