
每日一篇、留言板!盤點童年必定上過嘅網站~你有無招過fd子?
以前細細個未有咁多遊戲玩嘅時候~
唔少人嘅童年都係流連係各大網站,但有唔少依家家已經消失了~
就等小編同大家一齊時光倒流啦!
江湖聊天室
記得以前一返到屋企就要即刻開,因為上線得愈耐獲得嘅點數就會愈多!
仲可以結婚、殺人、練功等等,仲可以成立幫派~
超多功能!但成日都會無啦啦比人殺左⋯⋯搞到又要重新玩過⋯⋯
尼奧寵物
到依家都仲上到嘅尼奧寵物!
入面有超級多小遊戲,仲有任務可以做~
世界地圖超大,物品同道具都好多~但錢就永遠得好少!
成日都要諗辨法賺錢嗚嗚⋯⋯
論壇
以前真係好多人中意上論壇招屋企人架~
呀哥招細妹、家姐招細佬、男女朋友都可以招埋!
仲好中意上論壇貼自己個樣,選咩壇花、壇草呀等等~
每日一篇
好記得以前小學強制性做嘅每日一篇!
老師仲會Check住你有無每日做,為左快D完成,小編都會求其亂Tick一堆答案!
各大線上遊戲網
以前Online Game未流行嘅時候就係靠呢D打發時間啦!
仲記得有好多恐佈GAME,好似咩《X檔案》呀咁,揀直係童年陰影!
仲有好多小編都未能盡錄,好似XANGA、留言板等等~
唔知你最有回憶嘅又係咩呢?
(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
*本文章的圖片均經其本人或其公司授權,其他媒體不得轉載