嫌自己個鼻特別大？研究指同近距離自拍有關！

大鼻一般都唔係大眾追永嘅審美觀，但偏偏大家有冇試過自拍嗰時覺得自己個鼻有啲大呢？給果有都唔洗咁擔心喇，有研究指係因為同自拍有關！

研究的其中一位作者Boris Paskhover，來自羅格斯大學新澤西醫學院，係一個面部整形外科醫生。佢話如果突出的部份愈接近相機的位置，例如鼻子，咁鼻子就會比起其它部份睇上去都更加大。研究人員話自拍愛好者應該會意識到，當愈靠近鏡頭影相，鏡頭會扭曲面部特徵的比例。情況就好似想細臉的人就唔好揸機，前面揸機嗰個塊面會影到特別大！

Photo from Pinterest

研究背後仲有可靠嘅數據支持㗎！Paskhover及同事將大量美國男性同女性的幾項面部測量結果平均值收集起來，結果發現，由12英寸的距離拍攝的正面相，相較於臉部的闊度，個鼻的闊度會大咗約30％。另外同鼻子的其餘部分相比，鼻尖都會比現實中大7％。相比之下，喺五英尺（約1.5米）之外影嘅相片樣子就會同真實嘅樣一樣。

Photo from American-Medical-Association

Paskhover又話多年來按觸病人、屋企人同身邊的人，話自己個鼻睇起嚟好大嗰時，拎出嚟睇的往往都係手機自拍照。

Photo from 陶傑-Channel-Facebook

Photo from Pinterest

佢又指，其實五英尺實際上先係一個標準的攝影距離，好似攝影師會在五英尺外影人像一樣，而佢幫病人影相時都會在五英尺的高度距離影。

Photo from Pinterest

Photo from Pinterest

所以大家以後近距離自拍嗰時覺得自己個鼻好大都唔洗擔心喇，試下用放遠距離或者用自拍棍影，可能效果會好好多！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載