香港3大特色天橋！返學收工行街經過電影拍攝場地～唔係唔打卡啊！？

香港咁多條天橋，返學返工一定會有一兩條係左右。小編今日就同大家分享吓香港3條方便到達嘅特色天橋，你地又試過係呢D天橋打過卡未呢？

1. 《志明與春嬌》拍攝地-偉業街天橋
因電影《志明與春嬌》而多咗好多人留意嘅偉業街天橋，位於牛頭角同九龍灣之間～無論邊一個地鐵站行過去，都會有少少距離。
Photo from PressLogic

成條橋以少女粉紅同粉藍色系為主調，感覺好清新好少女。

加上好多MV同電影都係呢度拍攝過，所以呢條橋都有好高嘅知名度～平日都唔係好多人會行呢條天橋，同嚟閨蜜打卡就最適合不過啦～
Photo from PressLogic

*如果坐上去影相，就要小心安全啦～

前往方法：牛頭角港鐵站B6出口（不過都要行幾遠下）

2.圓形天橋-怡和街圓形天橋

好多人去到銅鑼灣，好多時都會經過呢條天橋，原來都係熱點嘅打卡地。
Photo from PressLogic

怡和街天橋就係怡和街電車路對上，圓形嘅建築風格，無論行到邊度都可以見到地面嘅電車～成個設計好有層次！
Photo from PressLogic

前往方法：銅鑼灣港鐵站SOGO出口，沿電車路轉左直行就會見到架啦～

3.禮頓道奧運橋-奧運五色天橋
係怡和街圓形天橋附近，仲有一條好引人注目嘅奧運五色天橋～好多遊客都會係呢度影相架！
Photo from PressLogic

呢條以奧運會做主題嘅天橋，有齊奧運會5環嘅顏色～每一年每一屆係邊度舉行都記錄得一清二楚～

聽講呢條色彩繽紛嘅樓梯，概念係由聖保祿學校提出～～除咗向奧運精神致敬之餘～更加令天橋變得好特別，吸引好多市民同遊客係呢度影相打卡～
Photo from PressLogic

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載