S.H.E 1個月4首影視新曲！3把靚聲輪流loop 新歌首首動人心弦

S.H.E 3人最近輪住出個人單曲，首首都好有故事啊！歌迷滿足之餘同時好期待佢地合體啊～

一個月內3人分別推出左4首新曲，完全可以講係連珠炮發，產量MAX！全部都係電影同電視劇嘅主題曲／插曲呢～製作陣容仲好鼎盛！

第一首-先講一個月前發佈、比小編loop左成個月嘅《愛了很久的朋友》係Hebe為劉若英首次執導『後來的我們』電影唱嘅插曲～仲由金牌製作人黃韻玲親自編曲譜曲添！

唱出一對情侶拍左好耐拖相處當中嘅期望與落差，去到分手後大家變成愛左大家好耐嘅朋友！無奈走唔到去最後但就係現實會發生嘅事情！詳情大家睇MV聽Hebe嘅靚聲就會參透出來架啦！
田馥甄 Hebe Tien《愛了很久的朋友》 ：https://www.youtube.com/watch?v=mJwyo5fH3jY

之後係陳嘉樺ELLA最新單曲為電影「脫單告急」獻上主題曲～

Photo from YouTube - 華研國際

首歌由我的少女時代《小幸運》作曲JerryC及孫燕姿《跳舞的梵谷》作詞人吳易緯合作架！

Photo from YouTube - 華研國際

有時候我地會武裝起自己、唔敢打開自己內心，因為怕失望怕再受傷害，但終有一刻會遇到有某一個人令你對愛情重拾番信心！嗰個人會令你做得番自己，係佢面前你唔需要掩飾啲咩唔需要裝逼，因為佢就係愛本來嘅你！（小編覺得個女主角唔錯呢:P）

Photo from YouTube - 華研國際

ELLA陳嘉樺 《終於愛情》：https://www.youtube.com/watch?v=SSLFsRubLws

緊接住繼《愛了很久的朋友》後，Hebe再為內地電視劇《溫暖的弦》唱主題曲～一樣勁好loop令人聽出耳油！

Photo from YouTube - 華研國際

曾經一齊過嘅回憶大家都唔會忘記，當時可能因為一啲誤會而分開，一直會思念係世界某一個地方嘅對方！13億人口中，如果因緣際遇再見時仲愛緊對方，呢個等待雖然漫長但會係有好結果嘅話，係值得嘅！

雖然MV無女神Hebe嘅加持，但都有鈞甯bb，一樣養眼～

Photo from YouTube - 華研國際

田馥甄 Hebe Tien《最暖的憂傷》：https://www.youtube.com/watch?v=ZUODhtx57UQ

本來有歌迷都話差Selina未出新歌，點知剛剛4月26日就發佈左啦！

由Selina親自填詞主唱～係內地電視劇《她很漂亮》嘅同名主題曲！

Photo from YouTube - 華研國際

劇中女主角係臉上有疤痕，而由有故事嘅Selina唱出特別有味道，更勵志！話比我地知根本無法取悅所有人，但要自己欣賞自己，就會有人愛你，愛你嘅全部～儘管你同其他人唔一樣，但佢都會包容你嘅不一樣咁愛你！女生們，即使愛情背棄我地，都要繼續相信愛情啊～

Selina 任家萱《她很漂亮》：https://www.youtube.com/watch?v=nnYwhLnyhqA

雖然有得聽佢地唱個人單曲已經勁幸福，但小忠粉嘅心依然好想佢地有新嘅合唱歌啊！

4首個人單曲旋律都令人聽得好舒服，有傷感有勵志，同時有療傷嘅功效呢lol～

由3位女神唱出嚟加埋MV嘅輔助完全感受到成個故事性，令小編好想睇呢幾套戲同劇囉，比佢地毒到添～不過無事小編都係番出去做野先⋯⋯

Photo Credit：YouTube - 華研國際

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載